韓國千奇百趣之燒酒小知識 | U Travel 旅遊資訊網站

澳門快閃遊

郵輪公海遊

其他目的地

正在閱讀
韓國千奇百趣之燒酒小知識

文: U Travel 小編 KeroB

2017.05.27

韓國人聚會，桌上一定唔少得燒酒，仲有好多個牌子，又有唔同味道，究竟有咩唔同？平時小編都係亂揀或者揀味道為主，今次就研究吓唔同韓國牌子的燒酒有咩唔同，韓國人又最鍾意飲邊隻？

#燒酒地圖

韓國的燒酒有成十幾個牌子，可能連韓國人都講唔出每一隻牌子有咩分別，原來燒酒仲有分來自唔同地區。

最常見的 3 個牌子，真露（참이슬）、像最初那樣（처음처럼）、美好的日子（좋은데이），分別來自首爾、江原道和慶尚南道，呢三個牌子也正正是韓國最受歡迎的燒酒牌子。韓國燒酒的第一品牌，真露（참이슬）以竹炭蒸餾技術製作燒酒，更是世界蒸餾酒銷量之首。

#酒精濃度

咁燒酒的酒精濃度有幾高？原味的燒酒大多是 19 至 20 度，仲高過紅酒。酒精濃度最低的燒酒是美好的日子（좋은데이）和真燒酒（참소주），只有 16.9 度，而最高的是來自濟州的漢拿山（한라산），有成 21 度。如果唔想咁快飲醉的話，可以選擇水果味燒酒，酒精濃度大約是 13、14 度，比原味燒酒低一節，但因為易入口，好多時候愈飲愈多，反而仲易醉！

#水果味燒酒排名

有人覺得飲燒酒好似直接飲酒精落肚，又苦又高濃度，會選擇飲水果味的燒酒，酒精味冇咁重，又有甜味，更易入口。燒酒製造商都愈出愈多味，提子、柚子、藍莓、石榴、水蜜桃、菠蘿等等，但都唔係隻隻都好飲。

根據韓國網上水果燒酒的排名，最受歡迎的是美好的日子（좋은데이）的藍莓味，第2、3 位是像最初那樣（처음처럼）的水蜜桃味和柚子味，而第 4、5 位就係真露葡萄柚的露水（참이슬자몽에이슬）和美好的日子（좋은데이）的葡萄柚味。但小編的親身經驗就覺得藍莓飲落好似藥水味，估唔到韓國人竟然覺得佢喺第一位！小編心目中最好飲的就是柚子同葡萄柚味~

↓ 【送禮】大派主題樂園門票100張！↓↓
↓ 社群地圖企劃！立即入APP參加！↓

↓必收藏！香港咖啡地圖2023！↓
↓精選50間咖啡店（附評分）！即睇詳細介紹↓

即 like & follow 我哋，緊貼世界各地最新旅遊情報！

UTravel Facebook

UTravel Instagram

發表回應

下載App新會員送150積分換獎賞

團長UU熊

在線上