蜘蛛俠想加入 Avengers 先問過 Iron Man

真係要跳起 YEAH ！蜘蛛俠終於回歸 Marvel 大家庭，睇完 Tom Holland 在《美國隊長3：英雄內戰》之後，覺得佢同前兩代的蜘蛛俠好唔同，唔玩憂鬱，年青有活力兼有喜感。

羅拔唐尼（Robert Downey Jr.）飾演的 Iran Man 在《美國隊長 3》帶新蜘蛛仔參與 Avengers　戰爭，搞到只有 16 歲的 Tom Holland 自 high 到爆，成日都超級英雄上身。今次全新篇章的《蜘蛛俠：強勢回歸》（Spider-Man: Homecoming），仍然發英雄夢，一心諗住拯救世界，成為 Marvel 的一份子，而羅拔唐尼就希望佢可以過正常高中生活，軟性阻止佢拋頭露面，但後生仔血氣方剛，希望可以證明自己能力，是明白的，但今次佢嘅對手係由 Batman 演到 Birdman 再進化到今次演超級仇視 Avengers 的大反派 Michael Keaton （The Vulture） ，已經夠晒頭痕，仲要加多兩個反派；一個係鍾意整超級武器的 Tinkerer ，另一個係雙手能夠釋放強大能量的 Shocker ，加埋 Iran Man 都未必夠打。蜘蛛仔要加入 Avengers ，就要睇今次表現。

【延伸閱讀】【#環球搜映】4 套必睇　日本動漫真人版電影

【延伸閱讀】【#環球搜映】動態縮時影遍全球廿國 烏克蘭攝影師：香港最靚