旅行完到機場,你通常會做乜?走去兌返啲日圓做港元坐定定等上機?定係要盡興到上機前一刻?作為一個專業嘅旅行精,當然係後者,尤其依家日本好多機場都勁好玩!仲可以買到有好多限定版手信!真係早啲去機場認真玩返日都唔算過份!
【北海道札幌新千歲機場】
只要上網打「札幌新千歲機場」就會出現「太好玩」、「可以逛一整天」,以及「好買又好食」的結果,實際上這個機場絕對適合大家預留一日去行去玩!話呢度係一個巨型遊樂場真係一點都不為過!
【延伸閱讀】【#潮日放送】大阪近郊 舞洲百合園 限時開放
【延伸閱讀】【#潮日放送】日本最有型鳥居 原來喺呢度?
Sanrio 粉絲手信基地
國內綫航廈 3 樓的「Hello Kitty 快樂飛行公園」,入去玩只需 800 日圓(約 55 港元),裏面有 8 大主題,由空服員 Hello Kitty 帶大家走入世界不同地區的場景拍照、玩體感遊戲,以及參加工作坊等,除了 Hello Kitty,其他 Sanrio 角色都有自己嘅主題小區,如果每個區域都玩齊,相信要預留兩個鐘先夠時間玩。旁邊仲有主題 cafe 畀大家休息。當然唔少得要行埋「快樂飛行商店」,有大量北海道同新千歲機場嘅限定商品,買手信冇煩惱!
HELLO KITTY HAPPY FIGHT 歡樂飛行小站
位置:札幌新千歲機場國內線 3 樓
營業時間:10am-6pm
費用:成人約 55 港元,小童約 27 港元,3 歲以下免費入場
冬甩個爸爸 法寶任玩任買
同樣位於 3 樓的「多啦 A 夢空中樂園」,相比本身係 fans 嘅本尊,其實更受家長歡迎,因為唔使畀錢入場,已經有「細蚊仔放電區」!為人父母嘅真係感動到喊出嚟!巨型豆沙包滑梯足以令一班細路玩到大叫大笑,阿爸阿媽終於可以喺旁邊坐低休息下。付費區費用都只係 55 港元左右,可以在館內參加工作坊,繪畫多啦 A 夢的模型,塗上自己心目中的顏色,仲可以帶走,小朋友最開心!
多啦 A 夢空中樂園
【沖繩那霸機場】
多啦 A 夢空中樂園
營業時間︰10am - 6pm(最後入場時間為 5:30pm)
費用:成人約 55 港元,中學生約 34 港元,小學生約 27 港元,2 歲以下免費入場
甜品水產手工藝乜都齊
如果想掃手信,必到國內綫候機樓 2 樓的「甜品街」,13 間北海道甜品的店集中於此,試食買手信一 take 過!被稱為朱古力仙境的 Royce' Chocolate World,除了可以買到特別版的 Royce 朱古力外,更可以在落地玻璃外看整個製造朱古力的過程,絕對是最佳的免費娛樂。
【大阪關西國際機場】
同北海道唔同,關西機場真係一間店就 KO 晒各位旅客剩低嘅日圓︰呢間店嘅名字就係叫 BEAMS Planets。店中一半位置都是賣佢哋同其他品牌嘅聯乘商品。必買嘅當然係同袋王 Porter 合作有 B 印 Yoshida,機場別注版 Global Standard (GS) 系列的背包和配件,只有成田機場同關西機場獨有!最正係價錢實惠,比普通 Porter 袋平一截,而且顏色選擇多,尤其是多色尼龍大背囊長賣長斷,大路顏色更是影都唔見,一早被人掃清光。
關西空港 BEAMS Planets
地址:大阪関西国際空港旅客ターミナルビル3F
電話:+81(0)7 2447 5802
【沖繩那霸機場】
日本機場出名多手信,偏偏沖繩那霸機場的國際綫大樓就細到難以置信,除咗得兩間餐廳外,手信店亦只得小小一間,入閘後選擇亦乏善足陳。假如想要最後衝剌,建議可稍移玉步到旁邊以天橋連接的國內綫大樓。從國際綫大樓步行約 5 分鐘便會見到一整個離境大堂都係手信天堂!由最大路的紅芋、黑糖、海鹽產品以至海葡萄、沖繩不同島嶼出產嘅原隻菠蘿、芒果同埋各色水果,真係應有盡有!不過來回國際綫及國內綫機場需時,建議預留多點時間。如果時間鬆動嘅話,仲可以去埋國際級大樓 4 樓嘅觀景台,可眺望飛機升降,天氣好時尤其爽!
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓