有得睇有得食 東京懷舊 look 觀光船

去東京除咗血拼，都想去觀光睇景色兼感受當地文化，但又唔想花太多時間？我知，大家係要分秒必爭，最好可以一次過做幾樣嘢先得。我有好介紹，可以試試坐停泊在日の出桟橋的觀光船「御座船 － 安宅丸」，有傳統演舞劇睇又有放題食，最正係可以喺船上睇埋夜景，係咪正先？

位於東京灣日の出桟橋的「御座船 － 安宅丸」，是仿照江戶時期德川家光將軍的御座船（當時貴族御用的豪華遊船），一睇就知係貴嘢！由船身到內部裝潢都保留江戶時代日式風味，最啱自拍打卡。

安宅丸高兩層，1 樓是普通御座間、餐廳及表演場地，2 樓係貴賓室及觀景台，日間只係普通的觀光船，遊走東京灣，途中會見到彩虹大橋、東京京門大橋及台場等具東京特色的地標。一到夜晚，就會變身成表演場地，上演日本傳統的演舞劇，睇完 show 仲有日式放題食，食飽飽之後，再去觀景台睇埋夜景，節目真係夠晒豐富。

【延伸閱讀】【#潮日放送】新潟佐渡島必玩體驗  坐大澡盆遊船河

【延伸閱讀】【#潮日放送】東京最大驚安の殿堂旗艦店 24 小時買到飽

地址：東京都港区海岸 2-7-104
電話：+81(0)1 2053 2150
交通：JR 浜松町駅南口出，步行 8 分鐘
價錢：5:30pm - 6:45pm　成人 3,000 日圓（約 210 港元），小童 2,000日圓（約 140 港元），不包括日式放題
　　　7:15pm - 9:15pm，成人 7,000 日圓起（約 490 港元）小童 3,800 日圓起（約 266 港元），包括日式放題
網址：hgozabune.jp