【#記者實試】東京站全新熱辣手信北海道牛油忌廉焦糖餡曲奇 | U Travel 旅遊資訊網站

香港酒店優惠

其他目的地

正在閱讀
【#記者實試】東京站全新熱辣手信北海道牛油忌廉焦糖餡曲奇

用 App 開啟

用 App 開啟或下載

文: U Travel 小編小窮維琪

2017.05.18

日本芝士撻名店 Bake 集團，最近開咗全新店叫「Press Butter Sand」，唔賣撻，而係賣牛油忌廉焦糖夾心曲奇！唔好睇少曲奇細細件，店家用咗北海道產小麥粉及鮮牛油做曲奇皮，又用北海道牛油忌廉及焦糖醬做餡，我哋嚟到東京站內店家前就嗅到好香好香，即刻跟隊試！

排隊時睇住一件一件眼前製起，而且仲好香，好吸引！

記者帶路睇現場實況：

記者試食報告：

6 個裝盒裝 900 日圓；一件睇落細件，但曲奇皮好厚，餡料都 fill 得好滿。

全店只賣呢款曲奇，其實極花心思。留意曲奇皮上有特別坑紋設計，係用特別訂製「燒」曲奇機以燒壓方式製作，令餅皮唔易碎，同時可以吸實醬餡，令人大啖咬嘅時候都唔會「bi」晒啲餡出嚟！

講返味道，曲奇皮酥酥的，熱辣即食香口無比！內層北海道牛油忌廉一啲都唔膩，加埋微甜嘅焦糖醬，滑滑漏咁，伴住酥脆曲奇餅皮食，口感好豐富！

曲奇可以買走即食，一個　150 日圓，每人限買最多 4 個；或者買盒裝當手信：6個裝 900 日圓、10個裝 1,500 日圓，賞味限期約 10 日，個人覺得現場食係香口好味啲！<br /> — 曲奇可以買走即食，一個　150 日圓，每人限買最多 4 個；或者買盒裝當手信：6個裝 900 日圓、10個裝 1,500 日圓，賞味限期約 10 日，個人覺得現場食係香口好味啲！

店家 4 月底才開幕就引起排隊潮，嚟到要先拎「整理券」（即：拎籌），在指定時間再回來排隊，好在東京站內有街行、好多嘢睇，可消磨一下時間。<br /> — 店家 4 月底才開幕就引起排隊潮，嚟到要先拎「整理券」（即：拎籌），在指定時間再回來排隊，好在東京站內有街行、好多嘢睇，可消磨一下時間。

店舖位於 JR 東京站內「丸の內南口」附近（未出閘），乘 JR 嚟到千萬唔好傻傻的出咗閘。<br /> — 店舖位於 JR 東京站內「丸の內南口」附近（未出閘），乘 JR 嚟到千萬唔好傻傻的出咗閘。

Press Butter Sand

地址：東京都千代田區丸の内 1 - 9 - 1 JR 東京站內 1/F

電話：+81(0)3 4362 4147

營業時間：8am - 10pm

交通：JR 東京站內

網址：buttersand.com

相：Ray Ng

【U Lifestyle App新年添新器】第一擊！
↓↓送Dyson三合一風扇暖風空氣清新機↓↓

U Lifestyle自家節目登錄《TV專區》！
↓↓試玩、試食、試用影片任您睇↓↓

即 like & follow 我哋，緊貼世界各地最新旅遊情報！

發表回應

在計劃下段旅程嗎?

團長UU熊

在線上