起初睇片,以為一班唔使踩單車嘅傻仔,做乜踩架三輪車遊巴塞,仲要吸引到咁多途人目光。睇真啲,原來佢哋係玩緊近期歐美最 hit 嘅 Halfbike,睇落又幾有型喎!
睇真啲,Halfbike 好似將滑板及單車合二為一,具備單車的腳踏及車轆,又有滑板的輕便,可以玩花式,冇座椅嘅設計,可以邊踩邊瘦身,確實唔錯。咁究竟 Halfbike 係點誕生呢?其實係由兩位保加利亞嘅建築師設計,最初理念係來自始創人 Martin Angelov 搬新屋時,放唔落架又大又重嘅單車,所以就萌生起要發明一架比單車更細嘅代步工具。在眾籌網 Kickstarter 集資開發第一代,最仲出埋 upgrade 版──Halfbike II,已經在網上有得賣,盛惠 599 美元(約 4,672 港元)
【延伸閱讀】【#機場快訊】環保充電?踩 30 分鐘單車即充滿電
【延伸閱讀】【#便利研究所】$10半個鐘 7仔租單車遊東京
比單車更輕巧靈活性更多,畀你去到其他地方都可以輕鬆環遊整個城市
仲可以好似滑板一樣,花唔同花式,落斜滑,上斜踩,一車可以兩用。
雖然睇落好易,但踩起上來都有一定難度,好似平時踩開公路嘅單車友,都唔係好識控制。不過一上手,包你會上癮。
價錢:599 美元(約 4,672 港元)
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓