雖然我係單車旅行，但同時亦唔會錯過當地特色旅遊體驗。來到埃及，當然要試吓坐郵輪玩尼羅河啦！
尼羅河係世界上最長嘅河流，孕育咗偉大嘅古埃及文明，埃及最精彩嘅歷史景點大部分都位於尼羅河沿岸，所以郵輪就成為遊覽埃及最方便又舒適嘅方法。尼羅河上有超過三百艘郵輪，有極豪華嘅五星級郵輪，亦有價錢相對較平民化嘅選擇。大部分郵輪航行於埃及南部嘅樂蜀（Luxor）同阿斯旺（Aswan）之間，呢個地區古時被稱為「上埃及」，舊稱底比斯（Thebes）嘅樂蜀係古埃及新王國時期嘅首都，周邊留有大量驚世古蹟文物，係來埃及除咗吉薩金字塔外嘅必到地點。
【延伸閱讀】【#熱血分享】挑戰 1.5 年長征南非！ 阿翔用雙腳去印證地圖
【延伸閱讀】【#熱血分享】乘坐警車的旅行 阿翔遊西奈半島
郵輪之旅當然唔會淨係坐船啦！阿斯旺同樂蜀之間有好多古埃及建築，我哋首先去到一座喺河邊嘅 Kom Ombo 神廟，比起 Abu Simbel 可能 Kom Ombo 冇咁宏偉，但佢仔細去睇嘅話，佢隱藏咗好多古埃及人嘅智慧，包括壁畫上嘅古代月曆、醫療用具。另外廟旁仲有一個巨型水井，導遊話係古代嘅稅率計算器，雨水多嘅年份水位會較高，亦代表收成好，就會較重稅，相反乾旱嘅年份水份低就稅較輕或免稅，算係一個公平又聰明嘅計算方法。
去到樂蜀之後當然仲有好多活動，包括去著名嘅帝王谷，喺熱氣球由上空欣賞過山谷風景後，再進入谷內參觀法老嘅陵墓。
大家或者會以為郵輪假期一定好貴，但其實我哋今次經當地旅行社安排，全個 Package 包括阿斯旺半日遊、4 日 3 夜郵輪河景房、3 餐全包、景點入場費及私人導遊，仲有樂蜀嘅熱氣球，每人都係 420 美元（約 3,271 港元），可以話係物超所值！
阿翔，80 後旅行愛好者，足迹遍布亞、歐、非多國，曾於 2007 年往澳洲工作假期、2011 年日本 311 大地震後到災區當義工，並於 2015 年成為知名旅遊指南《Lonely Planet》中文版作者之一。現正進行由香港往南非單車長征之旅。Facebook 專頁：阿翔（facebook.com/shotravel）
↓【U Lifestyle App限定】送iPad mini (Wi-Fi版)！↓
立即入App答問題 人氣獎品、優惠折扣隨時等您攞！
立即入App答問題 人氣獎品、優惠折扣隨時等您攞！
即 like & follow U Travel Facebook / U Travel IG / 旅遊快搜 Facebook 專頁，緊貼世界各地最新旅遊情報！
內容標籤
免費登記成為U Lifestyle 會員
即時接收最新資訊並盡享獨家優惠！
發表回應