#1 中國銅錢
講緊嘅係真正古舊嘅錢幣,呢啲銅錢雖然係古代嘅錢,不過古代人會將錢幣當成係先人嘅陪葬品,甚至乎會將錢幣放入先人嘅口裏面或眼晴上......重點係,好多流通市面上嘅銅錢好多都係出自「盜墓者」,買咗賊贓仲要係沾滿屍氣嘅陪葬品......諗起心都寒。
#2 Evil Eye
去土耳其的話,相信冇人未見過 Evil Eye(邪眼),事關佢係當地最最最出名嘅手信,但據說亦係最邪嘅物品,點解?因為邪眼係中東吉普賽巫術嘅一種,佢哋相信只要掛喺屋企或身上,就可能吸走外來嘅邪氣,吸到咁上下,邪眼就會有魔力,所以掛 / 帶到咁上下就要將佢送走,重點係你唔可以亂咁掉走就算,而係要轉贈畀人,所以當地有啲人會以平價賣畀遊客。
#3 神社傳統人形
喺日本寺廟或神社,好多善信都會不時送來「人形」公仔,大家見到就算覺得呢啲傳統公仔幾得意或幾靚都好,千祈千祈千祈(好重要所以講 3 次)唔好亂攞走,皆因有可能啲公仔係受過詛咒又或者放到有靈性,若然攞咗返屋企擺,真係後果自負。
<
#4 佛牌
泰國好多地方都可以買到佛牌,但你又知唔知泰國佛牌分三等,分別係天、人、地。其中天、人嘅法力較為無害,不過地則被稱為「陰牌」,通常想用旁門左道達到目的嘅人會用,而問題在於一般普通人根本唔會分到買嘅佛牌到底係陰定係陽,所以真係想買的話,最好請教有呢方面知識嘅人,唔係亂買就好可能會為自己帶來厄運。
#5 黑貓神像
嗱,相信有好多貓奴去到埃及,見到極度有型嘅黑貓神像都會想買個返屋企擺,
雖然據傳黑貓像喺當地被視為掌管死亡及可驅去惡靈,不過買還買,千祈唔好買到喺法老王墓中盜取得來嘅黑貓像,據說墓中物品都被下詛咒,所以買黑貓像時記得要小心。
#6 石頭
去到西藏,好多時都會見到刻住經文或圖案嘅石頭,而呢種石其實叫「瑪尼石」,雖然睇落好靚好有特色,但其實石頭上刻嘅係六字真言或密咒,而瑪尼石亦包含藏族信徒對佛嘅信仰、做錯事嘅懺悔、祈福、經堂及路標等等多重意義,所以絕對唔可以話覺得靚就順手攞來做紀念呀!
除西藏外,蘇格蘭古墓中的石頭,亦係受過當地戰死嘅戰士詛咒,因為當年蘇格蘭不斷被入侵,為咗保護祖先墳墓,所以佢哋落咗一個咁嘅詛咒:「帶走古墓一帶嘅石頭或破壞墓地嘅人,必會遇上厄運,唔悔改就會死亡。」據知真係有攞過石頭嘅遊客離開後遇上詭異事件,所以呢度嘅石頭真係唔可以亂咁攞走。
圖:網上圖片
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓