【#台灣民宿】一家大細暑假去台灣　6 大靚靚民宿

2017.05.17

暑假去台灣想住民宿，選擇真係多到數唔晒，唔知道邊間好？以下 6 間位於墾丁、宜蘭、花蓮嘅民宿，有泳池、有海景、有兒童賽車場、有單車......，真係正到揼一聲！

【墾丁】
海邊民宿　無敵海景陪住浸浴

炎夏去墾丁，當然係要享受陽光與海灘！日頭玩完水，黃昏入黑都要搵個地方休息。墾丁有咁多間特色民宿，呢間「墾丁．後灣 36」吸引之處就係大部分房間都面向超級無敵大海景，房內更設有私人小泳池，如果人多，可選擇 2 樓山海景 4 人房，最多入住人數係 10 個。但呢度只招待 12 歲以上住客，如果仔女太細就住唔到呢度喇！

1 樓「全海景雙人 Villa 房泳池」，望住靚海景，旁邊貼心放有兩張全躺椅，畀你曬曬太陽。泳池雖然不是很大，但喺度玩吓水都好寫意！（圖︰evachang03、debbieeeeeeeee @IG）

房間寬敞舒適，內有個純白浴缸，一樣睇到海景。（圖︰debbieeeeeeeee @IG）

頂樓雙人房打造成溫馨小閣樓，一室白色木系裝潢，配埋大天窗，唔知會唔會可以數住星星入睡呢？（圖︰jolly_1231、bojiahuang @IG）

墾丁．後灣 36 HomeOne36
地址︰屏東縣車城鄉後灣村後灣路 36 號
電話︰+886(0) 8882 1626
房價：就到暑假旺季，房價約 NT$5,800 至 NT$8,800
網址︰www.homeone36
Facebook︰www.facebook.com/houwanbay
備註：全館有 12 歲年齡限制，無招待 12 歲（含）以下入住；不提供加人及加床服務；無招待寵物入住。

【墾丁】
私隱度高民宿　熱帶風情泳池獨立屋

老闆本來在大街上經營海芋旅店，後來在離墾丁大街約 8 至 9 公里處的龍鑾潭新增 4 間獨立別墅式池民宿，故遠離熱鬧人潮，私隱度高，更有避世度假氣氛。4 間獨立屋風格不同，「大溪地裸女 Villa」較具東南亞熱帶風情，「山馬茶花 Villa」及「兩個月亮 Villa」則是略帶歐風的小 cottage。另外有兩間睡房「花紅葉紅 Villa」，最多可供 8 人入住，絕對啱一大班朋友，甚至兩個小家庭同行。

「花紅葉紅 Villa」有兩間睡房，可供 8 人入住，兩個家庭一齊來度假都夠住。

墾丁海芋 Villa
地址：台灣屏東縣恆春鎮龍水里赤崁路 51-1 號
電話：+886 (0)917 653332
房價：6-9 月平日 NT$6,000 起、6-9 月周六 NT$8,000 起
網址：uukt.com.tw

【墾丁】
超正 Villa 室內泳池就在床邉

身邊有一位不愛窮遊嘅朋友，每次旅行都一定要住 villa、resort，話咁樣先係 quality of life，佢最近就推介咗喺台灣墾丁嘅一間 villa，喺房間內就有一個私人泳池，超讚！

Villa 全屋逾千呎空間，間隔不算多，好闊落。最大驚喜係房間內有一個私人泳池，喺主人床對出幾步就已經可以落水，超級方便！雖然冇正常泳池咁大咁闊，但至少都可容納 4、5 個人！（圖：line1413.pixnet.net）

住客亦可以預先向民宿負責人 order 燒烤，就可以喺戶外平台就燒嘢食，好滋味呀！（圖：dondonhey @IG）

Villa 設早餐供應，早餐供應時間為 9am-1pm，只要前一日同 villa 負責人講聲，管家就會喺指定時間將熱騰騰嘅早餐送入房間！水中食早餐都不是夢～（圖：<br />lisa0205.pixnet.net） — Villa 設早餐供應，早餐供應時間為 9am-1pm，只要前一日同 villa 負責人講聲，管家就會喺指定時間將熱騰騰嘅早餐送入房間！水中食早餐都不是夢～（圖：
lisa0205.pixnet.net）

碧海晴天 Villa Yagoo
地址：台灣屏東縣滿州鄉港口村興海路 22-1 號
電話：+886(0)9 7885 6890
房價：5-10 月 NT$10,000 起
網址：villa-yagoo.com
Facebook：www.facebook.com/VillaYagoo
註：同一時間最多只接待 6 位住客；只收取現金

【宜蘭】
超強設施有泳池有小型賽車場

帶細路去台灣，找間有超多玩樂設施的民宿，足不出戶都可以玩一日！在宜蘭冬山鄉的「丟丟噹親子樂園民宿」，剛在台灣「網路溫度計」網站入選「特色旅宿」好評影響力排行榜的第 4 位！有泳池又有小型電動車賽車場、室內遊戲室。客房由雙人房至 6 人房都有，包棟（共 16 間客房）都有，客房各有設計主題，巴士碌架床到、吉普車床等，而且不少細節位都貼心照顧到家庭住客，如客人需要兒童浴盆或椅子等，可在訂房時可先告知民宿主人，而且除了大人的牙刷外，還準備了小朋友的專屬牙刷；每一層樓的公共空間還放置了小帳蓬，入面放了一些小玩具，即使小朋友晚上臨瞓也可以再玩一番，加上民宿有電梯，就算推着嬰兒車上落也方便。

泳池約有 330.5 平方米，水深大約 60 至 80 厘米，以民宿泳池來說算水上樂園級了。忘記帶吹氣玩具唔緊要，民宿泳池早已預備。

丟丟噹親子樂園民宿
地址：宜蘭縣冬山鄉水井二路 35 號
電話：+886(0)9 1950 0053（林小姐）
房價：暑假（旺日）NT$4,500 起
網址：www.diudiudang.tw

【宜蘭】
Pool Villa 民宿好似置身峇里

好想去轉峇里過番個 Pool Villa 假期但冇假期又嫌貴？﹗不如考慮去宜蘭極有峇里 Feel 的獨立私家泳池民宿暮夏 Villa 或曼夏 Villa。其中暮夏 Villa 有種滿植物的小庭園、藤籃型吊椅，還有露天私家泳池，真係會以為自己去咗峇里！室內有個小客廳，加上兩張 Queen Size 大床，4 個人入住也綽綽有餘。