想帶母親大人去旅行同時又想儲大假自己去長線旅行,實行近近地去一轉台北,星期五帶埋行李返工,一放工就直奔機場同母親大人會合上機,2 日 2 夜乜都夠玩!
Saturday! 第 1 站
去 101 食早餐
上 101 睇風景當然係帶阿媽嚟台北嘅必備行程,但係上觀景台最平每人都要約 77 港元。其實景觀餐廳食返個靚 brunch,最平 206 港元左右都可以埋單,講緊係 85 樓望住靚咁食意大利高級午餐喎!畀阿媽扮下闊太,點都抵過齋俾錢睇風景。
隨意鳥地方101 觀景餐廳
電話︰+886-2-81010016
地址︰台北市信義區信義路五段7號85樓
Saturday! 第 2 站
阿媽必遊景點
台北士林官邸、國立故宮博物院、忠烈祠、中正紀念堂、國父紀念館等,如果可以安排到半日包車比較穩陣,始終老人家要上落捷運站會比較攰。最緊要點與點中間搵個地方休息下飲啖水,同埋要以阿媽嘅興趣為景點排序,如果超時就放棄後面比較不感興趣嘅景點。當然亦要夾返中正紀念堂換兵儀式時間,免得白走一趟。
Saturday! 第 3 站
超可愛!草泥馬餐廳!
玩咗大半日,都應該要食返個下午茶。淡水都係阿媽會想睇日落嘅地方,咁不如索性早少少嚟呢間 Oia 伊亞藝術咖啡館。呢度最大特色就係啲羊駝會四圍走,食客仲可以買蔬菜條餵佢哋!個個客人瘋狂影相拍片 selfie!會勸大家先同阿媽食飽飽先出動影相,免得掛住影相之後太快肚餓。
Oia 伊亞藝術咖啡館
地址︰252 新北市三芝區後厝里北勢子 12-1 號
電話︰+886 2 2636 3766
FB︰oiacafe
Saturday! 第 4 站
超級浪漫紫藤花
5 月花開,紫藤花咖啡廳啲花超級多超級靚!鍾意花嘅阿媽一定一定一定勁開心!淨係見到啲紫藤花就好似返返去做囡嗰時咁,浪漫記憶返晒嚟!平時呢個咖啡室為咗保育啲花,係唔開嘅,亦曾經因為花季到 4 月尾,所以 5 月係閂門嘅。今年就好彩嘞,花季去到 5 月尾,所以阿媽可以好好享受下賞花嘅浪漫。記得帶定相機同記憶卡影個夠,如果用電話就記得做 backup 留定多啲位!睇完花應該差不多日落,仲可以返去情人橋捉住日落嘅尾巴!
紫藤咖啡園(一店)
地址︰251台灣新北市淡水區屯山里石頭厝2-1號
電話:+886-2-2801-0800
FB︰coffeemrlai
第 5 站
正宗東北酸菜白肉鍋
雖然話台灣出名麻辣火鍋,但係為免老人家在外病倒,都係穩陣啲好。呢家台電勵進餐廳,有 50 多年歷史,係台北火鍋店老字號,出名原汁原味東北風情嘅酸菜白肉鍋。除咗用上最傳統的煙囪炭爐,店子採半自助式,一個價錢包酸菜、白肉、羊、牛、凍豆腐、豬紅、青菜、蔥油餅任吃,又有多達 12 種佐料任配,還有多款東北小菜供應,玩完一日豪吃一餐!痛快!
台電勵進餐廳
地址︰台北市和平東路一段 75 巷內
電話︰+886 2 2393 4780
時間︰11am - 1pm、5pm - 8pm (星期日休息)
FB︰台電勵進酸菜白肉鍋
Saturday! 第 6 站
夜探螢火蟲
經過台灣多方面組織進行長達 3 年的螢火蟲復育後,大家可以帶埋阿媽搭捷運去大安森林公園睇瑩火蟲。晚上 7 點前後 30 分鐘左右係螢火蟲最光亮嘅時段,螢火蟲的位置其實喺公園內嘅「生態池」。喺大安森林公園見到嘅,就喺呢種名為「黃緣螢」的螢火蟲,佢哋嘅特徵就喺兩片翅鞘間都有淡黃色的邊紋。由於螢火蟲對光綫非常敏感,以強光照射的話,會對螢火蟲求偶造成影響,分分鐘搞到佢哋冇得繁殖下一代,所以若帶電筒照路的話,一定要加上紅色玻璃紙隔光。而且唔好用手觸碰螢火蟲,仲要保持安靜,因為只要受驚嚇或觸摸,螢火蟲就會死亡,所以大家去睇時,千祈千祈千祈(好重要所以講 3 次)要注意!大安森林公園
地址:台北和平東路二段
前往方法:捷運捷運大安森林公園站
地址:台北和平東路二段
前往方法:捷運捷運大安森林公園站
繼續睇!母親節快閃台北攻略
星期五:晚上到着 Spa 歎完宵夜
星期日:回程日輕鬆賞花行步道
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓