想帶母親大人去旅行同時又想儲大假自己去長線旅行,實行近近地去一轉台北,星期五帶埋行李返工,一放工就直奔機場同母親大人會合上機,2 日 2 夜乜都夠玩!
Friday Night! 第 1 站
舒壓 Spa 嘆返下
建議一落機直接去做返個 spa,一來阿媽搭完飛機一定覺得周身唔舒服,二來自己都返咗成個禮拜工,可以揼返個靚骨,真係諗下都身心舒暢。台北好嘅 spa 有好多,揀「湖 spa」貪佢無論營業時間、位置、服務、性價比都屬中上評級。好多好嘅 spa 未必好似「湖 spa」咁開到凌晨 3 點,而且又近士林,搭的士 23 分鐘就到。講返 spa 服務,望圖生義,提供泰式香薰按摩,主打峇里島古法香療舒壓按摩,同熱石精油舒壓按摩,2 個鐘價錢約 592 至 643 港元,如果加 60 分鐘腳底按摩,則加約 232 港元。據說好多台灣藝人凌晨收工都會嚟呢間按摩,質素唔差得去邊。
Friday Night! 第 2 站
士林夜市宵夜
我知道仲介紹士林夜士係老土嘅,之但係為配合阿媽,夜市必定去士林,因為夠出名,等佢同姨媽姑姐傾開時容易溝通。另外夜市食物其實唔係咁多啱老人家,所以出發前最好問定阿媽有乜想食。如果阿媽無乜意見,就最好帶佢去食清粥小菜。呢間阿嬌嘅清粥小菜係唔錯嘅選擇,地道台式傳統做法,衛生亦都唔錯,點足 9 碟餸加 2 大碗白粥,埋單都唔駛 80 蚊港元,抵到爛。
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓