雖然 5、6 月冇乜公眾假期,唔可以請一日放幾日,但就係呢個原因,好多地方都推出旅遊優惠,好似高雄咁,整個 5、6 月就有 40 幾間酒店有入住折扣,唔單止住,連食買玩都有着數,計計埋埋真係慳唔少。
繼早前台南集合 20 幾間酒店推出「來台南住 2 晚、第 2 晚免費」之後,今次輪到高雄。高雄市政府觀光局聯合酒店、食店、手信店舖及多個觀光點,推出「住遊購三大好康」優惠,只要在參與計劃的酒店住 2 晚,第 2 晚即享有半價優惠,最平 222 港元就有交易。除咗住有得平外,到高雄必去景點,好似壽山動物園、愛河貢多拉船及太陽能船都有入場優惠,連買手信都有得平。優惠由即日去到 6 月 30 日咋,唔好錯過呀!
【延伸閱讀】【#韓流情報】開幕優惠六折!平住明洞最新四星級酒店
【延伸閱讀】【#美加遊】醉醺醺 美國開手工啤主題酒店
#1 住平酒店
全高雄總共有 47 間酒店參加呢個計劃,連平時貴到嘔的五星級酒店,如漢來、國賓及圓山等等都有得平,好似漢來大飯店,一晚住宿就要 NT$4,000+10% 稅(約 1,100 港元)的雙人房,第 2 晚都只係 NT$1,888+10% 稅(約 519 港元),有幾間仲包埋早餐。如果嫌貴,仲有更平選選,好似華園、華王、福容等等,第 2 晚都只係 NT$888+10% 稅(約 244 港元),其他酒店就推出升級優惠,訂雙人房 upgrade 4 人房,仲追加住宿券使用期限至 12 月 28 日為止。
#2 買平手信
唔單止住,連食同買都有優惠,好似出名嘅手信店,不二家、打狗餅舖、維格餅家及黃金菠蘿城堡等共有 17 間餐廳及手信店,都有 8 折至 95 折優惠。
#3 景點入場費優惠
只要憑酒店發出的「認證卡」,就可以在高雄的 4 大觀光景點,高雄觀光渡輪、壽山動物園、愛河貢多拉船及太陽能船等,4 個揀 2 個,可以免費入場,單在愛河坐貢多拉船,每人都要 NT$200(約 50 港元),真係慳唔少錢。
官網:khh.travel(高雄觀光局)
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓