只知旅行社向來都有專為單身狗而設計的旅行團,等你一個人去旅行都唔覺悶,但原來仲有為單身狗告別單身的旅行團,而且節目安排都幾豐富,就算最後空手而回,都應該有個 happy trip。
早前介紹過台灣在 520(5 月 20 日)「月老戀習生」單身旅行團,結識另一半,估唔到香港都有。最近發現星晨旅遊搞咗個《情系 520 單身情緣浪漫之旅》的旅行團,轉為一眾希望告別單身的單身狗而設;「邂逅台北」的 4 日 3 夜團、「浪漫郵輪」的雲頂 3 日兩夜的郵輪團及近近哋的「相識東莞」3 日 2 夜團,除咗有例牌的旅行團景點,仲安排好多專 for 陌生男女認識彼此的活動。好似台北團,就有密室逃脫、苗栗摘生果、觀賞夜景及 2 人放天燈等等,畀晒機會去認識另一半,話唔定就搵到 Mr/Mrs. Right。
【延伸閱讀】【#環球買物】Long D 情侶恩物 隔空拖手手套
【延伸閱讀】【#環球趣趣哋】德國情侶 改裝校巴去旅行
#1 浪漫放天燈 - 台灣遊
睇價錢好似幾貴,但望真啲,坐國泰航空又早機走晚機返,玩足 4 日,又有 5 星級酒店及私人溫泉度假酒店,最緊要係節目夠豐富,畀晒機會認識另一半。第一日去水晶教堂再玩密室逃脫遊戲,同一班陌生人 warm up 一下,夜晚去睇夜景。第 2、3 日安排一堆互相認識遊戲,玩玩沙。最後仲有表白環節,再去平溪老街放天燈,行程夠晒豐富。
價錢:$5,688起(4 日 3 夜)
出發日期:5 月 19 日
網址:app.mst.com.hk
#2 十萬噸情緣 - 郵輪之旅
如果唔想舟車勞頓,想慢慢認識另一半,可以選擇坐郵輪。2 晚雲頂夢號遊輪,在啟德郵輪碼頭登船,安排團體遊戲,從中認識對象,仲有專業愛情顧問解疑難。輕輕鬆鬆,又可以上郵輪 hea 一 hea,都算唔錯。
價錢:$4,559 至 $5,659 起(3 日 2 夜,價錢視乎選擇哪種級別房間而定)
出發日期:5 月 19 日
網址:app.mst.com.hk
#3 浪漫營火會 - 東莞遊
覺得以上兩個團價錢有啲貴,可以試試「相識東莞」3 日 2 夜團,二千有找,去一次 Speed Dating 都要呢個價錢啦!第一日先熱熱身,去吓影城呀法式莊園及浪漫主題區,第二日去沙灘享受陽光與海灘及水上樂園,夜晚仲有營火晚會,製造浪漫氣氛。
價錢:$1,580 起
出發日期:5 月 20 日(3 日 2 夜)
網址:app.mst.com.hk
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道美食/住宿指南等!↓