酒吧總有種酒色財氣嘅感覺,但從來品酒都係一門藝術,所以如果連酒吧本身都可以建成藝術品一樣,可能喺裡面飲象啤都變成行為藝術。
【延伸閱讀】【#歐遊遊】時尚大師 Ralph Lauren 倫敦插旗開咖啡酒吧餐廳
【延伸閱讀】【#遊泰速報】曼谷舊機場 新增 A3、A4 兩條巴士綫 勁方便!
The Wine Ayutthaya 酒吧座落大城府首府阿瑜陀耶,位於湄南河畔,而其實阿瑜陀耶喺一個古城,400 年前係泰國王朝嘅首都,呢度嘅古城氛圍同歷史遺跡,早在 1991 年,已經被聯合國教科文組織列為世界文化遺產。所以與其話
The Wine Ayutthaya 係一間酒吧,倒不如話成個建築計劃係旅遊項目,因為背後其實係想推動大城府阿瑜陀耶嘅旅遊業,用特色建築配合古城,吸引遊客前來遊覽。
酒吧剛落成不久,但想搵 The Wine Ayutthaya 嘅飲食指南其實多,就連有冇象啤飲都唔知(笑),淨係知道酒吧有提供葡萄酒同有 cocktail。酒吧本身嘅建築特色介紹反而比較齊全︰以木格棚為外牆,內裡走工業風裝修,用上大量木材和黑色鐵架,加上 5 條旋轉木樓梯,總之每一個角度影埋去都型到爆裂。
不過小編就比較在意一個咁靚嘅建築外面,竟然包咗浸「包書膠」。原來嗰層 0.1 cm 嘅膠片,係為咗防止風雨濕氣侵蝕建築物,而同時唔阻檔室內向外望嘅視線。用意雖好,但如果有其他物料取代到浸包書膠,應該會更加正。
The Wine Ayutthaya@Waterfront Restaurant Grand Chao Phraya Ayutthaya
地址:42/2 Moo 4, Ban Sub Phra Nakhon Si Ayutthaya District, Chang Wat Phra Nakhon Si Ayutthaya, Thailand
電話:081 942 1666
網址:Grandchaopraya
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓