挑戰 1.5 年長征南非！阿翔用雙腳去印證地圖

正在閱讀
挑戰 1.5 年長征南非！阿翔用雙腳去印證地圖

用 App 開啟

文: U Travel 小編露兒

2017.05.04

單車旅行唔係新鮮事，有人去台灣環島遊，有人由香港踩單車去西藏，不過第一次聽到有人由大埔踩單車去非洲，而且仲係 work 嘅！

地圖未必係真？

「想用雙腳去證實地圖係真嘅，人哋畫畀你睇，但你自己行過就知（實地）係點」，旅人阿翔以此為終極目標，為長征非洲儲咗筆旅費、花 1 年時間鍛鍊體能，辭職後於上年 5 月 11 日踩住戰友「白龍」單車，然後是「銀鷹」看世界。佢由屋企出發往北行，走過廣東、陝西、新疆，途經哈薩克、亞美尼亞、土耳其、以色列去到等 15 個國家嚟到埃及開羅，真係少啲體力同毅力都唔得。

依家流行自助旅行，雖是自己 Book 住宿、plan 行程，但旅行形式其實離不開點對點式遊覽，阿翔沒行程嘅旅行反而遇到更多驚喜︰坐警車觀光、入住領事館、遇上熱情好客嘅烏茲別克人並應邀　home stay 佢哋屋企、去無酒供應嘅酒吧飲果汁等，真係 The best things happen unexpectedly！

走入書中觀光？

阿翔鍾意閱讀，更會親身到訪書中提及嘅地方，到達以色列後，佢走咗次耶穌步道（Jesus Trail），「聖經上講得好簡單，離開耶穌故鄉拿撒勒，去到加利利海，一句講完，而我親身行咗嗰段路行咗 3 日。」跟住書上地方去觀光，令佢有種走入書中嘅感覺，睇書時會想像嗰個地方係點，去到實地就知同想像嘅不同，感覺好得意，有 surprise。