五一長假無plan去旅行?唔緊要,近近地澳門即日來回都有地方好去!皆因澳門麥當勞30週年喺澳門科學館搞咗個免費嘅「澳門麥當勞30週年懷舊樂園」展覽。嘩!今次仲唔係出賣年齡系列?有齊麥當勞叔叔、小飛飛、滑嘟嘟、薯條脆卜卜同漢堡神偷呀,好掛住佢哋呀!我細個最鍾意就係小飛飛,不過宜家已經好難喺香港再見到麥當勞卡通人物現身喇,絕對係80後嘅美好回憶。
「澳門麥當勞30週年懷舊樂園」展覽一系列麥當勞樂園人物都有真人咁高,配埋多個澳門旅遊景點場景,大把影相位俾你影番夠本!踏上懷舊樂園就好似入咗時光隧道咁,返番去細個最pure最無憂無慮嘅日子,除咗一系列麥當勞樂園人物之外,展覽亦會展出多個經典開心樂園玩具。最後,一定要記住集齊樂園人物嘅印章,因為可以換到一份限量版紀念品㗎!(每日300份,先到先得)
澳門麥當勞三十週年懷舊樂園
日期:2017年4月8日至5月7日
時間:10am – 6pm
地點:澳門科學館
講起澳門景點,點少得地標大三巴呢!其中一部份採用了澳門議事亭前的地磚元素設計。
滑嘟嘟!好耐無見喇!
另一部份以公園做主題,在草地上同麥當勞叔叔合照真係第一次呀!
仲有人見人愛嘅小飛飛
活潑調皮嘅薯條脆卜卜
Source:澳門麥當勞
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓