話說 ViuTV 有個節目叫《築地 100》,咪以為個節目淨係講飲飲食食,主持亦會體驗當地嘅東京人生活。就好似馬拉松跑手兼主持 Inez,就介紹咗 4 個東京人最鍾意兼最靚嘅慢跑地點,一齊跟住跑,睇吓有幾正。
#1 皇居
當地唔少跑手都鍾意圍住皇居跑,粗略估算,平均每日約有 7,000 幾人喺皇居跑步,因為大多都係平路兼且一圈 5 公里都唔使過馬路,確係跑得幾爽嘅。皇居景色一絕之餘,更正嘅係附近仲設有 running station,跑完可以即刻沖番個靚涼,真係一個爽字都唔夠形容!
#2 神宮外苑
神宮外苑係東京熱門跑步熱點,就連作家村上春樹都會喺呢度練跑。兩邊都種滿銀杏樹,秋天變晒黃葉咁跑,個景仲靚!沿着神宮外苑跑一圈大概是 1,325 米,沿路每 100 米設有 checkpoint,方便跑手計算。
#3 台場跑步路綫
以台場海濱公園為起點,設有 5,000 米、7,000 米和直綫 300 米的路綫,中途仲設有 checkpoint。呢個跑步路綫沿途人同交通燈都唔多,唔似皇居,雖然唔使避車,但係就要避其他跑手同埋單車,反而台場呢邊比較靜同舒服。而且跑步路綫沿海,一路吹住海風跑,一路欣賞彩虹橋嘅靚景,一絕!
#4 目黑川
沿住目黑川跑來回大概 10 公里,全程都係平路,跑得好順。沿路種有勁多櫻花樹,如果遇上花期,跑手可以一路跑步一路觀賞櫻花。可惜行人路比較窄,如果遇上花期人多,可能要早上跑先可以避開人潮。而且有時要橫過馬路,跑手要打醒十二分精神。好就好在地點夠方便,跑完步去代官山 shopping 都只係 10 分鐘左右。不過,跑到身水身汗,點試衫好呢?
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓