【瘋台灣】露營新概念！超靚 Glamping 畀你親親大自然 | U Travel 旅遊資訊網站

香港酒店優惠

其他目的地

正在閱讀
露營新概念！超靚 Glamping 畀你親親大自然

用 App 開啟

用 App 開啟或下載

文: U Travel 小編露兒

2017.04.21

想出走但走唔遠，Camping 絕對係周末假期嘅「避世」好選擇。

唔止香港人熱忱親親大自然，台灣都有股露營熱，苗栗就有個豪華 Glamping 嘅營地，不單止環境舒適，連帳篷床單被鋪都準備好，帶個人去就可以舒舒服服咁露營，想 book 呀？一位難求，好多人都等緊佢再開團。

開團？我冇寫錯㗎，勤美學山那村有別於一般 Camp site，唔係上網 book 完就可排隊等入住，勤美學會定期舉辦不同主題的 2 天 1 夜旅行團，喺靚營地 camping 之餘，仲有職人教整果醬、手工饅頭及當地傳統工藝嘅 workshop，體驗「人與自然共生」嘅新旅遊方式。（圖︰bigedwalking @IG）<br /> — 開團？我冇寫錯㗎，勤美學山那村有別於一般 Camp site，唔係上網 book 完就可排隊等入住，勤美學會定期舉辦不同主題的 2 天 1 夜旅行團，喺靚營地 camping 之餘，仲有職人教整果醬、手工饅頭及當地傳統工藝嘅 workshop，體驗「人與自然共生」嘅新旅遊方式。（圖︰bigedwalking @IG）

講返個營，勤美學山那村有多達 15 個純白蒙古包，有和風、北歐風，每個帳篷可住 2-4 人，黃昏時分同屋企人朋友坐喺帳篷外乘涼傾計，寫意！（圖︰___posha___、1994_miao @IG）<br /> — 講返個營，勤美學山那村有多達 15 個純白蒙古包，有和風、北歐風，每個帳篷可住 2-4 人，黃昏時分同屋企人朋友坐喺帳篷外乘涼傾計，寫意！（圖︰___posha___、1994_miao @IG）

營內設備一應俱全，小至樽裝水、插座，大至冷暖氣機都有，入到營就想即刻攤上床，有啲營內更有 mini size 圓錐形嘅小屋帳篷，啱哂一家大細入住！（圖︰mrchildren627、miumiu6821、iloveplaytw、bigedwalking @IG）<br /> — 營內設備一應俱全，小至樽裝水、插座，大至冷暖氣機都有，入到營就想即刻攤上床，有啲營內更有 mini size 圓錐形嘅小屋帳篷，啱哂一家大細入住！（圖︰mrchildren627、miumiu6821、iloveplaytw、bigedwalking @IG）

晚餐唔使你自己起火煮食 Backwood cooking，大夥兒坐埋位就可以歎返餐苗栗客家料理。（圖︰fishliu__、jaclyn_chuang @IG）

蔬菜牛排配飯糰，加埋張木長桌，特別有 feel！（圖︰samchou97 @IG）

圖︰forever_emmayang @IG

被帳篷包圍嘅竹編屋「情天幕」由台灣藝術家王文志、十多個竹編師傅製作。（圖︰brimakesyoufun @IG）<br /> — 被帳篷包圍嘅竹編屋「情天幕」由台灣藝術家王文志、十多個竹編師傅製作。（圖︰brimakesyoufun @IG）

「情天幕」用台灣常見嘅青竹編織而成，旅人站在其感受自然。（圖︰1994_miao @IG）

不得不提勤美學嘅「豪華」森林浴所！浴所本是荒廢嘅賣店，藝術家陳建智改建時保留原本嘅八角形結構，用回收五金廢料打造成工業 style，估唔到嘅係臉盆竟然係某活動完畢後棄置嘅燈罩，環保有 stylish！（圖︰carriemar91 @IG）

提多次，勤美學山那村冇對外開放㗎，想入去玩、感受大自然就要留意佢官網嘅開團消息，報名參加喇！（圖︰huang_bunny @IG）

勤美學 CMP Village / 山那村
地址：台灣苗栗縣造橋鄉豐湖村 1 鄰乳姑山 15-3 號香格里拉樂園內
電話：+886(0)3756 1561
網址：facebook.com/CMPVillage1001/
交通︰搭乘高鐵至苗栗站，轉乘計程車前往香格里拉樂園，車程約 5 分鐘

【U Lifestyle App新年添新器】第三擊！
↓↓送Osim 3D推拿腳肌↓↓

U Lifestyle自家節目登錄《TV專區》！
↓↓試玩、試食、試用影片任您睇↓↓

即 like & follow 我哋，緊貼世界各地最新旅遊情報！

發表回應

在計劃下段旅程嗎?

團長UU熊

在線上