京都秘點睇「鳥羽之藤」 期間限定開放

京都賞櫻及追楓名所，相信不少香港人都能數出至少五六個，但紫藤花呢？你未必知原來京都都有得睇，而且地點是每年只作期間限定開放的鳥羽水環境保全中心（鳥羽水環境保全センター），如果閣下 4 月底會去京都，別錯過這個賞花秘點新行程。 

鳥羽水環境保全中心每年只在極少日子開放予遊客參觀，多數為 4 月底至 5 月初日本黃金周期間，加上是免費入場，因此遊客極多，打算前去的朋友記得早點到巴士站排隊候車。而參觀的重點，當然是那長達 120 米的紫藤花隧道，藤棚較後位置有桌椅，帶埋便當來野餐也可以。而今年的 4 月 29 及 30 日，更為 event 之日，更加有淨水設施參觀見學、京都水 Cafe，還有為 10 歲小朋友而設的吹氣大象彈床等，絕對是寓教育於睇花影靚相的行程。

鳥羽之藤
地址：京都市南区上鳥羽塔ノ森梅ノ木1，上下水道局鳥羽水環境保全センター
開放日期及時間：2017 年 4 月 27 日至 5 月 1 日，10am-4pm（最後入場 3:30pm），2018 年開放日期及時間待定，詳情留意官網
交通：開放期間，於京都駅八条口外巴士站的 G1 乘車處，或竹田駅西口，有前往鳥羽水環境保全センター的特別直達巴士
網址：city.kyoto.lg.jp

圖：helvetica@IG