2017.04.14
放長假梗係去旅行啦！近近哋去澳門又點睇？澳門近年旅遊業發展得唔錯，已經唔再係一味靠賭業，多咗好多親子遊樂景點，最啱一家大細嚟一個 2 日 1 夜快閃之旅！
＜Day 1＞
第 1 站︰一遊澳門科學館
一落船梗係先去澳門科學館，除咗喺館外同心形樹 selfie 打卡，館內不定期仲會舉行展覽活動，如 4 月的澳門麥當勞 30 週年懷舊樂園，則展出小飛飛、滑嘟嘟、漢堡神偷等多個超大舊公仔模型。即睇呢期有咩展覽︰msc.org.mo/
.jpg "同你勾肩搭背的麥當勞叔叔，簡直教人懷念呀！仲有旁邊的迷你大三巴，前面停泊一輪懷舊款開蓬車，原來正正係 30 年前澳門第一間麥當勞開業時，它曾經載住麥當勞叔叔到各處巡遊！")
.jpg "Selfie 完仲可以順道入內參觀，同香港科學館差唔多，都係有好多同科學相關嘅小遊戲小實驗，大人玩個飽，細路一路玩仲一路學到嘢，讚！（圖︰澳門科學館）")
澳門科學館
地址︰澳門孫逸仙大馬路澳門科學館
電話︰+853 2888 0822
開放時間：10am-6pm（週四休館）
交通︰乘坐往觀音像方向的 3A、8、10A 或 12 號巴士至澳門科學館
【延伸閱讀】澳門關前街 古玩街變潮區
【延伸閱讀】5,500 呎生活咖啡館 Cha Bei 進駐澳門銀河
第 2 站：大啖吞！峇里特色豬扒包
去澳門食豬扒包是常識吧！今次特別推介大家試下呢間以峇里菜作主打嘅餐廳 Naughty Nuri's 。室內裝潢帶點美式 Feel，配有可愛木雕做裝飾佈置，木雕都是店主們特別從峇里運來。
店主係幾個澳門年青人，佢哋特別遠赴峇里近年十分火紅的燒豬肋骨店學習煮法，將店帶來澳門。呢個絕非一般嘅澳葡式豬扒包，雖然豬扒連骨，不過燒汁惹味，麵包係特別搵師傅特製嘅，夠晒鬆軟。當然唔少得峇里式豬肋骨，以特別醃料配方將豬肋骨醃至入味，再連同醬汁一起烤，豬肋骨不但香而肉嫩，仲要夠晒入味，配埋香港少見嘅啤酒口味，爽！
Naughty Nuri’s
地址︰澳門福隆新街 7 號
電話︰+853 (0) 2853 0425
營業時間︰星期一至三及五 12nn-10pm、星期六及日 3pm-10pm、星期四休息
備註︰設加一，收信用卡
網址：facebook 專頁
第 3 站：風和日麗下的天鵝船
食飽飽不如做返啲運動！由餐廳步行 11 分鐘左右就可以到達南灣．雅文湖畔，喺呢度可以玩有啲懷舊 feel 嘅天鵝船水上單車！
呢個天鵝船舊年暑假初開，除咗 2 座位的白天鵝款外，仲有 4 座位的家庭款，只需 MOP20 起就可以玩足半個鐘！水上單車嘅活動範圍大約有兩個標準泳池，而且景色不錯，可見微型小島及旅遊塔。
不過白天鵝非常搶手，而且只有 5 架，輪候時間有時會超過一個鐘，建議嚟到南灣雅文湖畔第一時間去售票處買票登記輪候，再到廣場「湖畔藝廊」同「心水書房」行下，咁就唔使呆等變木頭。
南灣‧雅文湖畔 水上單車
地址：澳門南灣湖景大馬路南灣湖廣場
開放時間：11am - 7pm（最後歸還時間為 6:45pm）
收費：2 人白天鵝水上單車 MOP$20 半小時，4 人水上單車 MOP$40 半小時（收港幣，但不設港幣找續）
備註：5 歲以下小童不可乘坐，5 至 12 歲兒童須在成人陪同下乘坐
＜Day 2＞
第１站：迎接初夏 激玩水上滑梯
天氣開始又熱又濕，水上活動當然唔少得！巴黎人嘅「水世界」水上樂園，絕對係男女老少都會愛上嘅活動，共有 3 個滑梯區和一個嬉水池，除了有水槍、大水桶等經典玩意外，最高的滑水梯更高達 12 米，加上熱氣球過癮造型，真係玩完再玩再玩再玩，個個大人即時變晒細蚊仔玩唔停！
另外又有細路放電樂園「 Q 立方王國」，超過 2 萬平方呎的室內室外遊樂場，已經唔再淨係陪細路玩，而絕對係一個令大人童心返晒嚟嘅地方！
澳門巴黎人
地址：澳門路氹金光大道連貫公路
電話：+853 (0) 2882 8833
第 2 站：必食一星拉麵！
玩完水上活動下一站當然係食！喺氹仔當然要試下永利皇宮嘅拉麵店「花悅」，因為幕後顧問係「蔦」大廚大西佑貴，「蔦」係全球唯一拎過東京米芝蓮一星嘅拉麵店，認真巴閉。
花悅嘅餐牌非常簡單，最平嘅醬油拉麵不過 MOP118，最貴嘅醬油豚肉雲吞溏心蛋拉麵都只係 MOP158 。無論麵條與湯頭都一樣，分別只是配菜種類多寡。要見識一星拉麵的心思，建議花多幾十蚊食最貴的一款，因為拉麵的擺盤靈感為「月見櫻」︰溏心蛋代表月亮、筍乾是樹幹、叉燒與雲吞則是樹身、用筷子撥散了的葱碎則是漫天櫻花飛舞的情景。咁有意境都只係多 MOP$40 ，抵！
花悅 Hanami
地址：澳門路氹體育館大馬路 永利皇宮
電話：+853 (0) 8889 3663
營業時間：11am-12mn
第 3 站：真人 RPG 宅宅們必玩！
幾年前香港興起一股真人逃脫遊戲，而澳門依家就興玩真人 RPG 。冒險王國每個玩家入場後都係傳說中嘅「冒險使者」，任務係協助拯救魔石王國。
進入樂園後，玩家會獲發一本稱為 「魔導卷」的電子裝置，玩家會睇到各種任務，之後就可以根據指示完成任務取得分數。呢度佔地 10 萬平方呎，分為 8 個區域，每個園區都有不同的佈置，亦有不同的魔物出現，風格走可愛童話風，佈置上一啲都唔馬虎，大人細路都咁啱玩。
PLANET J 冒險王國
地點： 澳門路氹金光大道金沙城中心金沙廣場3樓 3009-3010 號（鄰近美食廣場）
查詢：+853 (0) 8791 6000
營業時間：星期一至五 12pm - 9pm、星期六、日及公眾假期 11am - 9pm
票價：$80/位 + $120/魔導卷
Facebook︰Planet J Macau 冒險王國
【U Lifestyle App新年添新器】第一擊！
↓↓送Dyson三合一風扇暖風空氣清新機↓↓![]()
↓↓送Dyson三合一風扇暖風空氣清新機↓↓
U Lifestyle自家節目登錄《TV專區》！
↓↓試玩、試食、試用影片任您睇↓↓![]()
↓↓試玩、試食、試用影片任您睇↓↓
utravel
發表回應