有留意開 Airbnb 消息的朋友,都知該機構時常都會「失驚無神」搞一夜限定的古怪驚喜住宿計劃「Night At」,由冬季奧運會滑雪跳台頂層、水族館的鯊魚室到巴黎地下墓穴等宿一宵都試過,但在 Airbnb「勢力」範圍稍弱的日本,就甚少有舉行。不過近年日本陸續有本土公司開辦類似 Airbnb 的民泊住宿網站,例如「Stay Japan」,今次就破天荒舉辦了首次日本一夜限定入住九州長崎縣平戶市平戶城的天守閣活動,而且絕對是無料,點樣參加呢?
其實歐洲不少古堡都有開放供遊客住宿,不過日本的城堡則極為罕見,故今次機會非常難得。有意參加者只要於 4 月 6 日至 4 月 23 日到指定網址報名登記,不過「Stay Japan」今次就指明要參加者是 20 歲以上的男女 couple 或夫婦,而且名額就只得一組(2 人),擺明是要讓各位情侶度過有日本古風浪漫情懷的一夜,最難,應該是要如中六合彩一樣被幸運之神眷顧吧!
【延伸閱讀】【潮日放送】遊日福音 羽田獨有散紙兌換機
【延伸閱讀】【潮日放送】7 蚊杯! 日本清酒販賣機任你試
以為活動無料,有得入住天守閣一晚已經賺晒──未算!原來整個「套餐」還包括在天守閣享受重現 400 年前模樣的大名御膳、平戶市導遊團、平戶城的職員親自招待的特別導賞行程、漁夫體驗順道捕捉早餐食材、帶你去搜羅平戶市土產等。據「Stay Japan」所講,以後將會陸續舉辦如住寺廟或農家體驗等特色日本住宿計劃……都係唔講咁多廢話,快啲上網報名啦!
平戶城天守閣一夜限定住宿計劃
報名日期:即日至 4 月 23 日
當選者公布日期:4 月 26 日
入住日期:5 月 20 日至 5 月 21 日
報名資格:20 歲以上的男女
報名網址:mag.stayjapan.com
平戶市觀光情報網:city.hirado.nagasaki.jp
圖:Stay Japan、平戶市官方網站、網上圖片
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓