韓國花季大概開到 7 月就完,如果趕唔切花季前赴韓賞花,可以考慮轉睇有聲畫嘅煙花。假如你咁啱 4 月初去首爾,可以順便睇埋樂天世界塔煙火節,包你一睇難忘!
1│樂天世界塔煙火節(2017/04/02)
記唔記得之前介紹過 555 米高嘅 Lotte World Tower 呀?4 月 3 日正式開幕喇!開幕前一日即 4 月 2 日,會舉行樂天世界塔煙火節。
【延伸閱讀】【#韓流情報】沒有最高只有更高 555 米 Lotte World Tower
【延伸閱讀】【#韓流情報】清溪川周末夜市開鑼 4 大掃食之選
今次煙花表演以 Miracle of Korea 為題,預計表演長 11 分鐘,會搭配爵士樂、流行樂等 8 首音樂,表演前仲有 K-POP 演出,唔好錯過啊!
Lotte World Tower 附近嘅石村湖、樂天世界塔草坪廣場等地方會準備大約 1 萬個座位,大家可以早啲到現場霸靚位,等睇煙花表演。如果唔想特登入 Lotte World Tower,可以喺奧林匹克公園、纛島漢江公園、漢江遊覽船等地點睇。
樂天世界塔煙火節(롯데월드타워 불꽃축제)
活動日期:2017 年 4 月 2 日 7:30pm - 9:30pm
地點:首爾市松坡區奧林匹克路 300(新川洞 29號)
樂天世界塔與石村湖一帶
費用:免費
網址:http://www.lwt.co.kr/fireworks.do
2│浦項國際煙火節 (2017/07/26 - 2017/07/30)
浦項國際煙火節每年夏天都會準時上演,一連 5 日嘅煙花活動分早晚兩部分,日頭就以水上活動為主,夜晚當然係主角:煙花啦!除咗 7 月 27、28、29 一連 3 日嘅每日音樂煙火秀、29 日喺兄山江體育公園舉行嘅國煙際火秀,仲有燈火街頭藝術節、燈火街頭遊行同仲夏夜電影 ost 煙火秀,聽落都覺得好吸引。
浦項國際煙火節(포항국제불빛축제)
活動日期:2017 年 7 月 26 日至 7 月 30 日
地點:慶尙北道浦項市北區海岸路95(斗湖洞)
兄山江體育公園、迎日臺海水浴場一帶
費用:免費
網址:http://phcf.or.kr/kr/main.do
【延伸閱讀】【#韓流情報】韓國便利店今次出咩嘢? 粉紅櫻花汽水
【延伸閱讀】【#韓流情報】首爾新食點!夜貓子夜市進駐漢江公園
3│首爾世界煙火節(未有確實日期)
假如浦項國際煙火節係夏天嘅揭幕禮,咁首爾世界煙火節就係秋天嘅揭幕禮喇。首爾世界煙火節每年秋天都會喺漢江市民公園舉行,可以話係首爾系天具有代表性嘅活動。每屆都會有外國隊伍參與,煙花類型多元化,非常值得去睇一次。
每年煙花表演後都會有煙花攝影作品大賽,以下 3 張係 2016 年嘅 Top 4。
官方話最佳欣賞嘅位置係喺 63 大廈前、汝矣島、鷺梁津停車塔附近,當日人流會好多,大家記得要小心啊!
首爾世界煙火節(서울세계불꽃축제)
活動日期:未有確實日期
地點:首爾特別市永登浦區 63 路 50(汝矣島洞)
汝矣島漢江公園(63 大廈前)
費用:免費
網址:http://www.hanwhafireworks.com
【延伸閱讀】【#韓流情報】2017 韓國燃燈節 照亮整個首爾
【延伸閱讀】【#韓流情報】景福宮慶會樓 限時 7 個月開放參觀
4│釜山世界煙火節 (2017/10/28)
每年 10 月都有煙火節,一喺首爾,二喺釜山。釜山一樣咁好睇,取地於釜山 landmark 廣安大橋,除咗煙花仲有音樂雷射燈光秀。如果要我揀去邊一個,我會話 2 個都去。(笑)
個人會認為釜山舒適一啲。此話何解呢?廣安大橋有闊落嘅海水浴場即我哋叫嘅沙灘,就算多大都唔會太逼。加上地理位置關係,唔一定係廣安大橋前先睇到,海雲臺附近嘅酒店只要有露台或窗都可以見到。
釜山世界煙火節(부산불꽃축제)
活動日期:2017 年 10 月 28 日
地點:釜山廣域市水營區廣安海邊路219(廣安洞)
廣安里海水浴場
費用:免費
圖:官方網站、IG
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓