2017.03.28
帛琉對香港人來說，可能有點陌生！其實這個海島位於菲律賓以東，海色蔚藍清澈，靚水度拍得住馬爾代夫！重點是：比馬爾代夫平！加上香港和澳門都有直航班機，以後想睇靚爆玻璃水，去帛琉一樣得！
必去 01 | 跳入五色藍海！唔識游都愛上
帛琉又有「上帝水族箱」的美譽，因為海域被環礁包圍，隔絕了不少魚類天敵；再加埋明文規定不可以網捕，捕魚時亦有月份、大小和品種等的限制。帶上潛鏡探入水中，腳下的魚群游來游去，一片又一片的珊瑚七色斑爛，美得連怕水團友亦放膽落水。
必去 02 | 期間限定！純白長沙灘
除了濕身玩水，更必定要去埋傳說中期間限定的絕景－－純白「長沙灘」！這個天堂秘景位於 Mecherchar 島對出約 3 公里，前往並不難，凡是參加島上的出海團，基乎是指定景點之一。不過每個月只會在潮退時快閃現身，延綿百米長的白灘橫趟在清可見底的水中央。
記者很幸運，坐在船上遠遠已經見到一道長長的白沙探頭露出海面，雖然天陰陰為美景打了折扣，不過難擋我們興奮的心情。赤腳踏上軟綿綿的細沙，360 度望著乾淨透徹無污染的水色，望住散佈在灘上大大小的貝殼、海星，感覺就似電腦桌面美景。同團的情侶早就拿起相機放閃，有的甚至換上婚紗打龍，隨手一拍已經夠晒呃 like！
必去 03 | 野外扮靚！Tiffany Blue 牛奶湖
帛琉沒有滿街林立的 spa 店，但卻有最最天然的私人美容秘竇！「牛奶湖」被奉為當地人美容聖地，全因火山灰沉積湖底，經年累月，形成厚厚的綿白火山泥。加上湖底仍不斷滲出海底溫泉，蘊含豐富天然礦物，護膚一流。乘船駛入，湖面仿似倒滿牛奶，浮白色的湖水帶點 Tiffany Blue，夢幻得極致。相比處處玻璃水，這裡的湖色更顯與眾不同。睇靚景之餘，仲有得扮靚！
相：ray ng、百悅假期
有新嘢玩！《社群》專區登錄App
↓必睇人氣美食主題深度關注組↓![]()
↓必睇人氣美食主題深度關注組↓
全新功能《優惠日曆》登場！
↓即刻入App睇盡即日/未來7日Chill抵優惠↓![]()
↓即刻入App睇盡即日/未來7日Chill抵優惠↓
utravel
發表回應