經歷三、四月 Facebook 同 IG一輪櫻花相洗版後……機會嚟喇飛雲……如果飛雲喺北歐嘅話！
哥本哈根嘅長堤公園，一共種咗 200 棵櫻花樹，為市內最多最集中嘅櫻花觀賞地，而且仲要係日本超人氣名種「染井吉野櫻」！打算四、五月淡季去丹麥嘅朋友，絕對值得去標返個櫻花尾會！
Sakura 教育成功！
時任駐丹麥日本大使小川郷太郎提出以長堤公園為場地，於 2008 年舉辦首屆櫻花祭，向丹麥人推廣日本文化。初時只有熟知日本文化嘅人先識嚟櫻花祭，自 6 年前日本人會開始推廣，就多咗丹麥人參加，慢慢仲學識在櫻花樹下野餐，十足日本人「花見」咁！
聽聞當初櫻花祭用「Sakura Festival」而非「Cherry Blossom Festival」受到唔少批評，怕丹麥人唔知咩叫 sakura。但依家好多丹麥人都直接叫 sakura，都算係「教育」成功！
安徒生 丹麥櫻花樹之父
未聽過長堤公園？美人魚像肯定知啦啩！唔單止因為安徒生而將美人魚像豎立於此，就連嗰 200 棵櫻花樹，都係因為紀念安徒生誕生 200 周年而栽種。
至於櫻花樹其實係由日本麵包連鎖店 Andersen Institute of Bread & Life 捐贈，睇個名就知以安徒生命名。原來安徒生唔止係童話之父，仲係丹麥嘅櫻花樹之父喎！
丹麥人偏愛節慶活動
丹麥人文化不同，所以當地日本人將日本的「花見」變為「櫻花祭」。籌備委員會代表 Mayer Kazuko（左）說：「我們的做法，是將不同日本文化元素濃縮成兩日的節慶活動。要是沒有舞台表演、體驗活動，就咁叫人睇櫻花的話，好少丹麥人會特登嚟。」去年兩日的櫻花祭，即使其中一日天氣欠佳，仍吸引達 30,000 人到訪，從推廣日本文化角度可說是成功了。
//延伸閱讀//
第 10 屆 Copenhagen Sakura Festival 2017
日期：29/4 - 30/4
地點：Langelinie Park, Langeliniekaj 2, 2100 København Ø
花期：4 月下旬至 5 月中旬
↓超過20個毛孩放電點／冷知識／攝影技巧等↓
↓ 立即入APP參加！↓
utravel
發表回應