化粧水、潤膚露、沖涼液、護髮素......如果你係「旅行私人用品強迫症」患者,面對過海關時只限 100ml 液體安檢限制,一定感到好頭痛。喺咁麻煩嘅限制下,唔想帶成袋膠樽去旅行,有辦法!
1.洗髮皂
去旅行經常帶細細枝洗頭水出門,其實用洗髮皂取代就可以了,市面上好多洗髮皂都係用成份天然、草本成份 DIY 製作,比用化學成份重嘅洗頭水得更健康。
2.諼髮皂
如果係染、漂、燙髮一族,洗頭後唔用謢髮素一定唔舒服,護髮之寶原來仲有項偉大發明:護髮皂!
3.洗面皂
去旅行就算唔化粧,但你塊面經過咁多景點,風塵僕僕,一定布滿污垢,可以帶洗面皂,另外亦有一些方便攜帶的 face cleanser。
4.Lotion Bar
Body Lotion 都係液體,但去到外地氣候不同,唔搽潤膚膏會令皮膚起「蛇皮」!唔用 Lotion,原來都有 Lotion Bar 可以取替。
5.Toothpaste Tabs
旅行裝牙膏細細枝,有時都未必夠一家大細在一次旅程中使用,而且每次用到最後,要擠出最後一滴牙膏時,更令人好想有唔使死唧爛唧嘅代替品。聰明人類研究員就發明咗 Toothpaste Tabs,只要將藥丸狀嘅牙膏粒放入口腔,再含水沖刷,就可以成口泡咁刷牙,確保將牙膏用到最盡。
6.Sunscreen Stick
旅行少不免戶外活動,作為女生(甚至是男生老幼)都一定要緊守「防曬」的防綫,除了貪靚唔想有雀斑,最重要係保護皮膚,預防曬傷及皮膚癌,所以一枝防曬膏帶去旅行 is a must!更方便隨時搽,保護肌膚。
7.Bugspray Stick
防曬、護膚辦妥,仲有一樣旅行必帶嘅,就係防蟲膏 / 蚊怕水!其實防蟲劑都有條狀 / 膏狀,有好多手作人亦都會製作防蚊磚,天然素材,大人小朋友用得放心。
8.沖涼皂
照顧好面部、防曬、防蟲需要,還原基本步,就是每天都產生臭汗的身驅,也極需要好好沖洗,但去旅行帶番皂沖涼,最好帶散裝且 size 較細的。
圖:m.a.r.i.n.a.s2、kathkath275 @ IG
↓透過發佈帖文賺取收入!立即參加!↓
↓ 大灣區一小時生活圈!最新打卡熱點/熱門美食等!↓