唔少人假日都會過澳門食吓野放鬆吓,鐘意食甜品就唔可以錯過澳門新濠影滙甜運市集,滙聚咗多檔手工創意甜食,俾大家一次過食到超過70款甜點,有新濠影滙自家製嘅甜點,有澳門原創品牌嘅出品,即刻睇下有咩必食推介先!
必食推介︰雪糕夾心冬甩 MOP20@
抹茶控一定要食返個「抹茶控」雪糕夾心冬甩!呢款甜點會係你面前即叫即整,將雪糕夾入冬甩中間,再沾上朱古力,最後灑上抹茶粉,睇到都流口水呀!除左抹茶味之外,仲有藍莓芝士蛋糕、黑芝麻同咖啡曲奇等,邊款最啱你﹖
必食推介︰心動冬甩MOP 20@
賣相超吸引嘅冬甩琳瑯滿目擺係眼前,你會點揀﹖計我話一於買多幾個開心share試多幾款啦!呢度心動冬甩唔係普通冬甩咁簡單,新濠影滙甜品總廚K.C.諗頭多多,係口感鬆軟嘅冬甩上,加入唔同嘅配料,有甜蜜蜜嘅朱古力棉花糖、焦糖味濃嘅黃金心太軟、同放咗原條煙肉嘅煙肉肉鬆等等!
必食推介︰妙想天開馬卡龍MOP 10@
你以為只有甜嘅馬卡龍﹖新濠影滙將唔同食材結合,炮製出創意爆棚而且獨家創新口味既馬卡龍,推介芥辣益力多、烤煙肉同芝味三文魚口味!
其他推介︰綠山丘 -雜果法式可麗餅 MOP30@
其他推介︰幻彩奶油軟糖 MOP 20/50g、MOP 40/100g、MOP 70/200g
多達8款幻彩奶油軟糖任你揀,包括︰香甜蛋糕、經典朱古力、美麗彩虹、紅絲絨漩渦、迷上花生醬、朱古力棉花糖、士多啤梨乳酪及糖癡癡,包你甜到入心!
其他推介︰最紅棒棒糖 - 脆糖士多啤梨串 MOP30/3件、脆糖蘋果棒 MOP 20@
將新鮮生果浸入糖漿,糖漿慢慢平均包住生果表面,待糖漿凝固之後就成為最紅棒棒糖啦!
其他推介︰甜夢朱古力
係唇膏定係CD﹖錯錯錯,佢地全部都係朱古力呀!玩味造型嘅朱古力買嚟送俾女朋友或者朋友仔就最啱啦!
日期︰即日起至2017年5月31日
地點︰新濠影滙澳門時代廣場
Source: 新濠影滙
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓