睇落好似普通旅行袋,其實係洗衣機,仲要係唔使用水同洗衣粉,就可以將污糟衫洗得好乾淨。有冇咁神奇呀?!
點解可以唔用水同洗衣粉就有洗衫嘅效果?其實呢個叫做「Paqsule」嘅 bag bag,原理好似消毒碗櫃,只要將污糟衫放入袋,㩒個掣,內置嘅 PaqTech 專利系統,就會釋放一種類似紫外綫光及活性氧,將衣服進行殺菌消毒兼除臭,啲衫就好似洗咗一樣。呢個好似流動洗衣機嘅袋,方便又環保,可以拎到邊洗到邊,仲可以連接電話 app,想幾時洗衫,只要在電話㩒個掣,就搞掂!
除咗有洗衣攻能,Paqsule 仲可以當短 trip 旅行袋用,事關袋內有專為放 laptop 嘅位置,仲細心到連放證件位及鎖匙位都有,袋埋衫褲鞋襪,都唔覺迫。加埋防水設計,真係落雨都不怕,再追加 USB 叉電功能,可以當緊急「尿袋」用,size 設計到可以啱啱好放在飛機椅底,真係可以一袋走天涯。
現在眾籌網 Kickstarter 籌集資金,預計售價為 $279 美金。
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓