唔記得幾時開始,每年 3 月都會等韓國 Starbucks 上最新一季嘅櫻花系列,然後用盡人脈,托上托再托都希望有朋友可以幫自己帶一個返嚟香港。2017 年櫻花系列,朋友要幫你買邊嗰款呢?
今年杯款同上年嘅一樣,主要係杯身圖案嘅設計、配色有唔同。上年色調以粉紅色、白色為主,少女氣色較重;今年都係以粉紅色做主調,但加入咗深淺不一嘅紫色,似乎成熟、浪漫係今季嘅關鍵詞。
#最特別
夜櫻設計加線條,杯底仲有 LED 燈。開燈後,就好似雪地上賞櫻咁。
想知 LED 燈點開?去片。
//延伸閱讀//
【#韓流情報】韓國人最新表白恩物 Starbucks 白色情人節糖果樽
【#韓流情報】韓國 starbucks 推國花 Tumbler
#最快無貨
杯墊、muddler 每年任何系列都係最快無貨嘅 items,設計靚、細細件、價錢又唔貴,所以大家都選擇呢幾樣嚟收藏。
#人氣高
以上 3 款喺韓國當地人氣最高,門市開門 2 個鐘後,只係得返兩三個,要多個都未必有。(想知邊到會多啲貨,要睇到最後喇!)
#推薦款式
#週邊產品
§入手須知§
大家都知道櫻花系列都係大熱產品,好快就無貨,想買一個可能要行幾間,甚至幾間都無。想避免有咁嘅情況,要先避免去遊客區、大學區例如明洞、梨大、弘大等等。去比較多分店嘅地區例如光化門、仁寺洞一帶,可以集中咁搵幾間分店。再極端嘅方法,就係去住宅區或近郊區嘅地方,唔係一定有好多貨,但搵到嘅機會大啲。
圖:官方網站、IG
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓