日本的豪華寢台列車近年出完一架又一架,尤其 2013 年出的 JR 九州七星號列車,預約率平均超過 22.5 倍,最高超過 102 倍!
既然咁受歡迎,JR 東日本今年就推出頂級寢台列車「Train Suite 四季島」,目前二人參加 3 日 2 夜列車 tour 就要 100 萬日圓起。即使咁貴,原來好多火車遊愛好者已經 mark 實呢趟奢華旅程,去年中開始預約今年夏天的首輪 tour,預約率竟已超過近 7 倍,最受歡迎的「四季島高級客房」更超過 76 倍預約!究竟係唔係物超所值?
即睇豪車真相:
盡享東日本奢華之最
收得咁貴當然有佢理由。列車設有 10 卡車廂共 17 個客室,一次只可招待 34 名乘客。車上的家具、窗簾、地毯、裝飾品、餐具等等都是東日本各地的手工藝品,盡顥日本職人技術。3 種客房類型都用上日本高級寢具名牌「東京西川」,品牌甚至為列車設計限定版寢具。而最高級的「四季島高級客房」是超特別嘅複式設計,下層係睡房,上層係榻榻米客廳,浴室都豪華過人,用上檜木精製浴缸,浸浴時飄來陣陣木香!
列車上甚至有 dress code,在客房以外男性要穿有衣領的恤衫及西褲,女性需穿上有袖上及裙、或連身裙等!
驚貴之旅
「Train Suite 四季島」即將由 5 月起運行,行程主要到東京來回日本東北、北海道地方。不過今年 5 月開行至 11 月的予約已經爆滿,需要採抽籤制。官方網頁目前就接受年底至明年夏的預約,最貴的「四季島高級客房」二人3 日 2 夜行程需 140 萬日圓起,4 日 3 夜更需 190 萬日圓起。最「平」的高級客房,二人 3 日 2 夜則 100 萬日圓起。
Train Suite 四季島
相:官方網站、premium-j.jp、mynavi
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓