一到春夏天,北海道花海遍地,五顏六色的花田,真係多到唔知去邊度好。有選擇困難症嘅你你你,就要睇睇以下 5 個推介。
位於日本最北部嘅北海道,相比日本其他地方,春天來得比較遲,要到 5 月左右先慢慢回暖,正所謂一年之計在於春,大地又重新 reboot 一次,所有五顏六色的花,都開始宇宙大爆發,盛開盛開再盛開!在北海道芸芸花田中,揀咗 5 個必去靚花田,包你呃 like 零難度。
#1 富田農場
講到北海道花田,不得不提富田農場的彩虹花田,由紫色的薰衣草、白色的滿天星、紅色的罌粟紅、粉紅色的小町草及橙色的加州罌粟等等,做成一道好似彩虹的花田,每年踏入 7 月,吸引唔少遊客專程來欣賞。彩色花田外,農場仲有 7 個種滿唔同花種嘅花田,好似向日葵及薰衣草,最後最緊要去佢哋嘅咖啡廳食當造哈蜜瓜及薰衣草味軟雪糕。
地址:北海道空知郡中富良野町基線北 15 號
營業時間:(大約)8:30am-4:30pm(時間會因應月份而改變,記得上官方網站睇清楚)
網址:www.farm-tomita.co.jp/en/www.farm-tomita.co.jp/cn/(中文)
前往方法:JR 富良野線中富良野車站徒步 25 分鐘(每年夏天,JR 富良野線都會有夏季限定的「富良野・美瑛 Norokko 號」在薰衣草花田站落車,行過去都只係 7 分鐘。)
#2 由仁花園
踏入由仁花園,首先必定會被英式設計的庭園建築所吸引兼影相打卡。花園分為 15 個不同花種的花田,春天會睇到油菜花,夏天有百合,秋天有波斯菊。每個季節都睇到唔同花種,而且周圍都種滿香草,所以走入由仁花園,賞花不只用眼,亦能用鼻聞。由仁花園佔地比富田農場,如果行到攰攰哋,仲可以揀個靚草地坐吓 hea 一 hea。最後,亦都係最緊要,買自家種植的香草茶做手信。
由仁花園
地址:北海道夕張郡由仁町伏見 134-2
營業時間:10am-5pm(時間會因應月份而改變,記得上官方網站睇清楚)
費用:成人 620 日圓,小童 300 日圓(收費會因應月份而有所變動)
前往方式:JR 室蘭本線由仁車站搭計程車約 5 分鐘
網站:www.yuni-garden.co.jp(日文)
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓