真文青也好,假文青也罷,「文青」說穿了其實係一種 life style,唔一定正經八百,只係在庸俗以外提供多一種選擇與可能。熱門景點以外,一樣可以玩吓食吓,當中又了解吓少少文化歷史背景,除咗喺朋友堆中扮吓嘢,其實又真係可以學到嘢。旅行的意義,本來就係咁。
01/必遊那霸地標
沖繩縣立博物館・美術館
這座奇特的建築絕對是那霸的地標,地方不算大,展覽主題多與沖繩有關,而單是這座美術館本身的建築,已經值得一遊。一舊舊梯形的古怪建築,就好似海洋中嘅島嶼,代表咗沖繩島嶼嘅特色。
而這種穿洞式建築風格,於二戰後在沖繩相當流行,因為當時的資源緊絀,有人將白水泥混入琉球石灰岩、砂子、珊瑚等,並以最節省材料的方式造成空心磚,成為沖繩獨有的建築材料。
喂,淨係講出上面嘅資料,已經可以將個書包拋到九里遠啦!
地址︰沖繩縣那霸市Omoromachi3丁目1番1號
電話︰+81(0)9 8941 8200
開館時間︰星期二至四 9am -6pm(入館截止至 5:30)
星期五至星期六 9am- 8pm (入館截止至 7:30)
閉館日:每星期一(休館日為暫定,有可能會有變更,以博物館官方公佈為準。)
網站︰http://www.museums.pref.okinawa.jp/
交通︰由那霸機場搭的士約 30 分鐘車程,或可乘沖繩單軌電車至 Omoromachi 下車步行 10 分鐘
02/ 沖繩最大琉璃體驗館
琉球玻璃村
一般玻璃鑑賞方法有別,一般玻璃手製品,以薄、透、無氣泡為之上品,然而沖繩玻璃手製品比較厚,而最最最特別之處,就係即使吹玻璃時有氣泡在內都唔緊要,仲會被視為「質感」和「特色」。
話說,戰後沖繩被美軍進駐,當時美軍丟棄大量可樂樽和啤酒樽,聰明又環保嘅沖繩人就直接敲碎這些玻璃垃圾,作為玻璃原材料,以解決當時玻璃原料缺乏嘅情況。
所以最使造出來又厚又重,但其實盛載著沖繩人嘅歷史。當然作為遊客與玻璃體驗者,最開心就係吹到啲玻璃全部都係泡泡都無所謂,真係幾咁手殘都無有怕!仲可以同人講呢啲正正係沖繩玻璃嘅特色添!
地址︰沖繩縣糸滿市字福地 169
電話︰+81(0)9 8997 4784
網站︰http://www.ryukyu-glass.co.jp/
交通︰由那霸機場搭的士約25分鐘車程
03/ 藝術味濃
Yuna市集
香港嘅市集多人到似街市多啲,不過都不失為文青嘅聚腳地,而那霸的Yuna市集,則是縣內與縣外藝術家的交匯點。沖繩風土同日本本土風格有異,所以縣內藝術家嘅作品別具特色,同時亦吸引一班藝術家遷移至此。 係呢度,遊人可以感受到作品用色如何大膽、藝術雜貨如何混入抽象風格。
Yuna 雲集當地十多個藝術品牌,包括豐永盛人、doucatty、カニメガ、香月禮、ayacco74、ci.cafu,佢哋嘅作品有著原始粗糙感,而且概念不局限於沖繩海洋,反而多生活感的山羊、蕎麥麵,又或傳統民風的花笠紅型,雜貨由紙公仔、tee、印章、陶瓷都有,如果要感受乜嘢先係真實嘅那霸,真實嘅沖繩,相信Yuna絕對唔會令你失望。
地址:沖繩縣與那原町字與那原 548 番地
電話:+81(0)9 8988 8792
營業時間:10:30am - 7:30pm(星期三休息)
交通:由那霸市駕車約 30 分鐘
04/ 50島菜朝食
沖繩第一酒店
香港去酒店食嘢,除左自助餐都仲係自助餐,悶死人。點解香港人咁鬼鍾意日本,就係因為佢哋夠多樣化。就好似呢間酒店,佢嘅特色就係島菜早餐。大家都知道旅行喎,一定晨雞咁早起身,唔食早餐又邊有力可以玩足一日。
40 年嘅研究當然並非浪得虛名,不僅按季節加入時令食材,同時選料包含藥膳成份,如醫腸胃、降血壓等等,原來那霸人都咁講究養生。所謂島菜就係指以最當造的地道食材,配以當地最傳統的煮法,款式包括島豆腐、苦菜白和、長命草沙律、金時草和物、炸苦瓜、煮糸瓜、甜冬瓜、紅芋麵包等等,每一啖都充滿琉球風味!
而且每款細細碟,一餐先至得585 kcal,啱晒終生都需要keep fit 嘅香港女生!
地址:沖繩縣那覇市牧志 1-1-12
電話:+81(0)98 867 3116
營業時間:8am、9am、10am時段
交通:由 monorail 縣廳前站徒步約 7 分鐘
註:必須預約
05/那霸大牌檔
國際通屋台村
相信大家都對日本的屋台一啲都唔陌生,不過集合咗20間屋台嘅「屋台村」,相信大家就比較少聽見。即係好似遊客嚟香港,點可以唔去中環大牌檔飲返杯靚奶茶一樣,嚟到那霸一定要試下呢個屋台村,村內有 1 間土產店及 20 間屋台,以沖繩本土食材為主打,有炸串、燒肉、天婦羅、燒海鮮、壽司,仲有地道嘅山羊料理、fusion 琉球菜、沖繩蕎麥麵,部分更營業至零晨 2 點,有足夠時間俾你感受屋台文化。
地址:沖繩縣那覇市牧志3-11-16,17
營業時間:11am-11pm(每間屋台時間不同)
交通:由 monorail 牧志站徒步約 4 分鐘
屋台推介︰勇氣山羊刺身
老闆來自沖繩北部、盛產山羊的山原,特別開店供應沖繩傳統的山羊料理。據說山羊有助回復體力,沖繩人最愛飲酒後喝一碗山羊湯。有膽量的可以挑戰山羊刺身,及終極版的山羊睪丸刺身。
山原食いなぉ
營業時間:11am-12mn(星期一休息)
屋台推介︰琉球 fusion Bar
店主向難度挑戰做 fusion 沖繩菜,於傳統混西餐,如將炆物變成炸物,蘸紅芋鹽吃,又會以西班牙 afillo 煮車海老等等,佐酒極佳。
琉球食彩 YOSHI
營業時間:11am-11pm(星期三休息)
屋台推介︰琉球風關東宗
店子有大量鹿兒島的芋燒酎、櫻島溶岩燒物,但沖繩人偏好其琉球關東宗,湯汁清爽風,食材是豬手、香腸、水雲,跟平日見慣的大根雞蛋兩碼子的事。
おばんざい 沖らく
營業時間:11am-12mn
↓透過發佈帖文賺取收入!立即參加!↓
↓立即睇打卡熱點/地道隱世美食/必買手信等!↓