相信好多人搭長途機都好希望瞓個靚覺,有人會話升去商務艙包你瞓得好,鬼唔知咩?但唔使錢呀?咁好似我呢種窮 L,以前會選擇通頂唔瞓,等自己上到飛機可以瞓餐飽,但其實咁幾唔健康,唔想傷身?睇下以下 的方法幫唔幫到你?
#1 揀啱座位
要搭長途機想有覺好瞓,一定要揀啱座位,最推薦嘅一定係窗口位,因為咁就唔會畀想進出座位嘅人騷擾到。另外,千祈千祈唔好揀廁所附近嘅位置,事關機程咁長一定會有好多人去廁所,人來人往之餘分分鐘畀佢哋閂門聲嘈醒!
#2 無負擔睡姿
趴喺枱瞓,唔係唔得,但長時間維持一定會搞到腰痠骨痛,數最舒服同最沒有負擔嘅睡姿,一定係將座位挨後,然後踩住腳踏瞓,因為呢種近似平日瞓覺嘅姿勢,會令你較易入睡。
#3 食飽增睡意
平日食飽飯約半個鐘後,一定會覺得好眼瞓,咁若然你夠時間的話,喺上機前食定嘢,上到機搞完一輪,時間啱啱好就可以瞓喇,咁又可以唔使等空姐送餐,亦可以飽住瞓。
#4上機小物
就算熄燈,飛機點都會有少少光源,所以最好帶眼罩遮光;另外,帶耳塞就可以免除其餘如傾偈、鼻鼾等雜聲騷擾,如有私人頸枕的話,亦可以幫助入眠。
圖:網上圖片、IG:derreckzoolander、pragmaticluxe、mrmlob、wanderlustbeautydreams
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓