唔知邊個話香港人鍾意排隊,其實只要係好嘢就自然多人欣賞,人多就自然要排隊。世上邊有咁多平靚正,要好、要平,就自然要等。睇下台灣就知,台北呢 5 間好味早餐店,都定必大排長龍。驚未排到已經餓到暈?唔怕,畀埋排隊貼士你,人氣早餐 Get!
01/ 早餐小確幸
好初
台北人氣早餐店,同傳統早餐店完全唔一樣,裝潢有格調,食物都經過擺盤,強調優質與悠閒。咁有格調,難怪得到台灣嘅 KOL 強推,人龍即刻長到癲。
食品多是加入台灣特色的 fusion 菜,例如以自家醃製的客家鹹肉,配上高麗菜絲,夾在意大利包內,成板煎鹹豬肉拖鞋堡;再例如「男朋友沙拉」以雜菜配上太陽餅及鹹肉,務求男孩子也可以吃得飽。
{排隊貼士}
假日需等約 2個鐘,平日 6 至 7 點、或近打烊時間如 12 點會較少人,但都要等約半個鐘,平均約 45 分鐘至 1 小時左右先有得入座。
好初
地址:新北市板橋區文化路二段 125 巷 70 號
電話:+886 (0)2 2253 2087
營業時間:7am-1pm
02/ 浮誇人龍店
豐盛號
未食,淨係見到食客枱面上個花生吐司,已經狂吞口水。排隊排到要出 apps 嘅早餐店,真係唔講得笑。
講返個花生吐司先,花生醬多士碳烤完,再係面上撒上大量花生粉,入口濃濃花生香,仲要配返杯牧場紅茶牛奶,襯到絕!仲要加埋都唔使 30 港元!
你就會不禁問,日日喺香港食早餐,到底幾十蚊食咗啲乜?另外唔少人喜歡點人氣商品豐盛三明治,有時 9 點前就賣完,要吃趁早。
{排隊貼士}
平日上班時間約需 30 - 45分鐘,假日約 1.5 至 2 小時。
豐盛號
地址:台北市士林區中正路 223 巷 4 號 1 樓
電話:+886 (0)2 2880 1388
營業時間:7am 至賣完為止(約 11am - 12nn)
//延伸閱讀//
03/ Fusion蛋卷
樂口福
裝修走美式風格,食物以「蛋卷」為主打,即台式蛋餅的自家改良版。餡料亦走創新風格:煙肉、德國腸、芝士等西式食材,配以吻仔魚、肉鬆、三星蔥等傳統台式風味,加上食品以鐵鍋上桌,fusion蛋卷誕生!
因為蛋卷沒有台灣傳統蛋餅的油膩,加上 Tiffany blue 外牆夠搶眼,最最最最最重要係價錢夠實惠,最貴的「主廚樂口卷」才 65 元台幣,所以極受年輕人歡迎。
{排隊貼士}
要食就要在早上 8 時前或 11 時後,人龍較短。
樂口福
地址:台北市中山區南京東路三段 89 巷 5-4 號
電話:+886 (0)2 2506 8917
營業時間:星期一至六 6am - 2pm
facebook:LOCO FOOD 樂口福
04/ 吊腳外賣店
張春涼麵
開業三十幾年,行走江湖只靠兩味︰麻醬涼麵與味噌湯。雖然地點有啲吊腳,但仍然好多人排隊買外賣,仲要一買就六七客!
粗身蛋麵配以濃稠的麻醬、醬油、蒜頭與青瓜絲,拌勻後入口,濃郁麻香與辛辣蒜香,麵條紮實,豪邁奔放,再飲啖味噌湯平衡帶點膩的麻醬,三扒兩撥食晒,好爽。
{排隊貼士}
堂食人龍通常比較短,約 15 - 30 分鐘可入座,反而外賣人龍隨時要排 45 分鐘,記住睇清楚咪排錯!
張春涼麵(又名阿春涼麵)
地址:台北市中正區中華路二段 368 號
電話:+886 (0)2 2301 3417
營業時間:8:30am 至賣完 (約11:30am)
05/ 賣斷市烙餅
秦家餅店
來自山東的樸實烙餅,不以油煎至酥脆,靠冷水揉麵,再以慢火在鐵板上慢慢烙得鬆化,口味清淡踏實,配店子特製的麻辣腐乳或蘿蔔乾,一流!
韮菜盒子同樣走清淡路線,11 港元一個,內餡有韮菜、粉絲、蝦米。如預訂十個以上,可特製無蝦米的素食版本。燒餅仲可以買返香港當手信,老闆建議用大同電鍋翻熱,口感可回復鬆軟。
{排隊貼士}
餅店雖然基本上無人龍,但燒餅賣完即止,建議有心吃提早一天預訂,咁就唔怕白行一趟。
秦家餅店
地址:台北市大安區四維路 6 巷 12 號
電話:+886 (0)2 2705 7255
營業時間:10:30am - 7pm
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓