去台灣除咗食食食之外,仲有好多絕景打卡點。近期台灣最熱門打卡地點,並唔係乜乜花園,或者物物 cafe,而係冇人去的廢墟。咁得意?當然要去睇睇啦!
每逢到放假日子,有好多台灣人周圍去搵靚景影相兼打卡,睇 IG 不時見到佢哋 post 的隱世靚景,都只能隔岸葡萄。近期,已經唔再玩夢幻、風景或特色小店,興起一股「廢墟觀光風」。好似荒廢的兵營、舊機器工廠又或者殘舊教堂,總之愈殘愈舊就最好,有幾個靚景仲好有歐洲 feel。去開台灣旅行的 fd 不防去影張扮型相。
//延伸閱讀//慢步港島 逐個捉城市打卡位
//延伸閱讀//袋定打卡位!日本初 海上飛索歎埋日落靚景
基隆 --- 阿根納造船廠遺址
唔係講笑,就連美國隊長 Chris Evans 都有嚟過呢度拍廣告。
阿根納造船廠遺址
地址:基隆市中正區正濱路 116 巷 75 號
地圖 按此
宜蘭 --- 頭城濱海森林公園
彰化 -- 蛤蜊兵營
一睇個名,就知來頭應該唔少。蛤蜊兵營是 1960 年代,政府為安置去台灣的退除役軍人,有所寄託兼可以自給自足及居住問題,同時亦肩負海岸綫的安全,於是設置「蛤蜊養殖場」(蛤蜊即香港的蜆類),當時大概約有百幾人入住。
至於荒廢的原因,是當地工業發展及公路建設,令當時駐守的軍人逐潮搬離,蛤蜊兵營亦慢慢變成廢墟,但由於兵營外觀保存唔錯,指定為「彰化縣文化景觀」。現時蛤蜊兵營的 11 座紅磚水泥獨立屋的陣陣頽廢感,變成當地人打卡熱點。
地點:彰化縣線西鄉寓埔村中華路818巷
新北市 -- 樹林廢墟
位於樹林中正路路旁邊的樹林區(舊名樹林鎮),前身是「公路局台汽客運樹林機料廠」,廠房已經荒廢好一段時間,四周都長滿雜草。就因為呢種頽廢感,成為唔少 MV 及廣告的最愛拍攝場地,更是 war game 友的重要戰場。
近期更多咗人專程走打卡的熱點,企在廠房中間,影張大 wilde shot,又確實幾有型,而且仲有個樹林景,想幾頽有幾頽。不過,最近樹林周圍,被鐵皮封住,要入去影靚相,有點難度。
地點:新北市樹林中正路旁(如果用google map搵路的話,可search「台北樹林市中正路大榮汽車貨運股份有限公司」在廢墟的斜對角。)
新竹 -- 十二寮天主堂
位於新竹峨眉湖畔的十二寮天主堂建於 1963 年,堪稱是「全台最美的廢墟教堂」,時是台灣人令取美軍援助麵粉的地方,直到 80 年代後,教會冇麵粉派,教眾因而減少甚至荒廢。
雖然空置幾十年,但外觀仍然保持得唔錯,仲可以清楚見到紅瓦屋頂及十字,加上鐵窗滿佈藤蔓,增添一份頽廢感。
地點:新竹縣峨眉鄉湖光村十二寮(十二寮大牆旁,竹49鄉道上)
↓ 請您免費飛轉日/韓/泰!↓
↓立即睇打卡熱點/地道隱世美食/必買手信等!↓