日本櫻花大大話話有六百幾種,但常見的其實大概有十種,每種的形狀、顏色及開花時間都唔同,想知邊十種?睇睇啦!
日本踏入春天,就係賞櫻花的最佳季節!每年大家都等日本氣象局公佈櫻花預賞期,然後買機票。
日本氣象局公佈的櫻花預賞期,通常都會以「染井吉野櫻」為指標,所以預測的櫻期大多都係由 3 月中到 4 月尾附近,但其實日本各地唔同品種開花期都唔同,賞櫻花可以由 2 月到 6 月咁長。以下介紹的 10 種櫻花,就係大家賞見的品種。
//延伸閱讀//
01/ 染井吉野櫻
又名東京櫻花或日本櫻花。身為日本氣象局預賞期的指標,人氣一定最高。但大家又知唔知點解呢?好簡單,因為生得快,而且開花又比其他品種大朵,睇起上來靚好多,在二次世界大戰後被廣泛種植,所以成為日本最常見的櫻花。花瓣顏色會從淡紅色逐漸變成白色。
開花月份:3月尾
賞櫻地點:上野公園、知恩院、弘前城、新宿御苑
02/ 河津櫻
成日都聽好多人話賞「早櫻」,其實是指伊豆汀津櫻,是日本最典型的櫻花品種,粉紅色較深,五片花瓣,另一特徵是在樹上成束開花,好易認。通常會在 1 月尾到 3 月中在先在河津町盛開,之後會在東京然後在整個東北地區慢慢開花。
開花月份:1月尾或2月頭
賞櫻地點:河津町(伊豆半島)
03/ 山櫻
是野生櫻花中最常見到的品種,又名「山之櫻」,在開花時間滿佈整座山脈,是山友最常見到的花種。花瓣和染井吉野櫻花一樣是五片,顔色亦較淡,介乎與有白色與淡粉色之間,花蕊都係呈深粉紅色,但 size 較細,最不同之處開花時同樣會見到綠葉 。花期大概在 4 月初,首先會在關東地區盛開。
開花月份:4月初
賞櫻地點:奈良縣吉野山、光嚴寺、京都嵐山
04/ 枝垂櫻
枝垂櫻是樹枝下垂的櫻花的統稱,形態好似垂柳,也是京都府的府花。花期通常都在 3 月尾至 4 月尾,比染井吉野櫻早大概一個星期左右開花。最出名的枝垂櫻,在福島三春瀧櫻,樹齡超過 1,000 年以上,是日本「五大櫻花」之一。
開花月份:3月尾
賞櫻地點:六義園、三春瀧櫻(福島縣三春町)、身延山久遠寺
05/ 關山櫻
在關東地區較常見,花瓣顏色呈深粉紅色。由於花期較長,通常都會與染井混合種植。
開花月份:4月中
賞櫻地點:大阪城公園天守閣、京都平安神宮、秋田的角館
06/ 一葉櫻
「一葉」即是一塊葉的意思,花中間有一至兩粒葉狀的花蕊。白色的內層花瓣,加上外層的淡粉紅花瓣,層次感十足。每年 4 月在淺草會舉辦「淺草觀音一葉櫻祭」,可以睇到一葉櫻花海。
開花月份:4月初
賞櫻地點:淺草觀音後街(一葉櫻祭)、新宿御苑
07/ 寒緋櫻
這個品種特別在氣候溫暖的南部盛開,在越南或中國等地都會見到此品種,與一般日本櫻花外形有所不同,花瓣呈深粉紅色,連花蕊都是深粉紅色。開花期是全部櫻花中最早的,在1月已經開花。
開花月份:1月中
08/ 菊樱
「菊樱」因為外形似菊花而得名。外表睇落似一個花球,與傳統見開的櫻花形態有點唔同,一朵花至少有 80 片花瓣,相比關山櫻更誇張。而開花期就要去到 4 月尾先在東京見到。
開花月份:4月尾
賞櫻地點:沖繩八重瀬公園、沖繩名護中央公園、静岡市久能山東照宮
09/ 鬱金櫻
與一般櫻花最大分別,就是郁金櫻顏色略花黃色,是八重花品種之一,花瓣大概有 15 至 20 片,與一葉櫻一樣,通常於 4 月中在東京開花。
開花月份:4月中
賞櫻地點:京都六孫王神社、京都平野神社、岡崎市上地八幡宮
10/ 普賢象櫻
由於花蕊與普賢菩薩騎住的普賢象鼻好似,所以稱之為「普賢象櫻」。花的 size 較大,顏色從淡紅色愈來愈白,過咗盛開期後顏色會慢慢染紅。4 月尾,在京都引接寺、清水寺旁的地主神社等都可以見到。
開花月份:4月尾
賞櫻地點:京都引接寺、清水寺
圖:網絡圖片
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道美食/住宿指南等!↓