翻譯耳機可以幫你翻 10 種語言 | U Travel 旅遊資訊網站

香港酒店優惠

其他目的地

正在閱讀
翻譯耳機可以幫你翻 10 種語言

用 App 開啟

用 App 開啟或下載

實用

文: U Travel 小編兔奴蛙

2017.03.03

日本嚟緊會出翻譯捧好多人都知，對日迷嚟講當然係好事，但若然去歐洲，除咗英文外更分分鐘要利用到其他如法文、意大利文等等呢啲難學又冷門語言先可以同當地人順利溝通，都咪話唔灰，不過而家唔驚喇，事關美國設計公司 WAVERLY LABS 研發出耳機 Pilot ，戴住後就可以即時翻譯畀你聽，以後去邊都唔使驚雞同鴨講啦， Yeah~

嗱，其實當初呢部翻譯耳機構思，並唔係話有乜驚天動地嘅偉大理由，只係當初講英文的設計師識咗個法國女仔，然後因為想大家每日傾計時可以溝通得好啲，所以就發明呢部耳機，真係要頌讚一下愛情嘅偉大。

翻譯機以藍芽操作，只要戴上耳時開啟 Apps 然後揀選語言，咁你或對方講嘅嘢就會即時翻譯。除此之外，佢仲可以除噪音同收音，又可以聽歌添，咦！咁咪即係平時都可以用？

雖然係翻譯機，但 Pilot 嘅外形同一般無線耳機冇特乜分別，而且仲有紅、白、黑三種顏色揀。

翻譯機本身已附設英、法、意、西同葡文，而到今年秋天，更會加入國語外，仲有日、德、韓、俄、阿拉伯、希臘、阿拉伯、土耳其語等等，真係戴住佢環遊世界都得呀。不過，唔跟機嘅語言就要畀錢買，但價錢則未有公佈。

若然講唔同語言嘅人都有呢部耳機的話，更可以開埋多人會議模式一齊傾一齊譯，正呀！

Pilot 而家係官網做緊預購減價，價錢係 249 美元（約 $2,000 港幣），依家訂的話預計夏天可出貨，不過溫馨提示一句，呢部機嘅最大缺點係唔可以離線使用，而 WAVERLY LABS 亦正研發離線版，想買離線版嘅就要忍一忍手先喇！<br /> — Pilot 而家係官網做緊預購減價，價錢係 249 美元（約 $2,000 港幣），依家訂的話預計夏天可出貨，不過溫馨提示一句，呢部機嘅最大缺點係唔可以離線使用，而 WAVERLY LABS 亦正研發離線版，想買離線版嘅就要忍一忍手先喇！

對耳機有興趣可參考以下網站：

http://www.waverlylabs.com/pilot-translation-kit/

圖：WAVERLY LABS

【U Lifestyle App新年添新器】第一擊！
↓↓送Dyson三合一風扇暖風空氣清新機↓↓

U Lifestyle自家節目登錄《TV專區》！
↓↓試玩、試食、試用影片任您睇↓↓

即 like & follow 我哋，緊貼世界各地最新旅遊情報！

發表回應

在計劃下段旅程嗎?

團長UU熊

在線上