去日本,當然就係買同食,但有時豪買豪食超出預算,使到冇晒 Cash 咁點算?碌卡又怕埋單時匯率有變?咁當然就係去 ATM 撳錢,係家喺日本撳錢其實好方便,只要你有張提款卡就得,但當然有啲事情係要注意的,我哋就列咗 5 大項,打算遊日撳錢嘅朋友記得睇一睇。
1/ 7 仔撳錢 超方便
當然你要有一張印有《VISA》、《PLUS》、《MasterCard》、《Maestro》、 《Cirrus》、《AMERICAN EXPRESS》、《JCB》或《銀聯》的標誌的提款卡,就可以喺日本的 7 銀行櫃員機提款,而呢部櫃員機,大多分佈係成田機場、熱門旅遊景點、酒店附近等的 7-11 便利店,至於匯率方面,一般都會以當日匯率計算。
2/ 開通海外提款
由於保安理由,並唔係張張提款卡都會有海外提款功能,就好似中銀、匯豐同恆生為例,若然想喺海外提款的話,就必需要喺離港前先啟動有關提款限額及有效限期,而啟動呢項服務一般可在網上銀行、櫃員機等辦妥,但實際詳情還是要依據銀行為準。
3/ 每日提款上限
SEVEN 銀行櫃員機 從 2016 年 9 月開始接受銀聯 IC 晶片卡,用銀聯 IC 晶片卡撳錢時,每次最高限額為 10 萬日元,但磁條卡的話,就係 3 萬日元;而每日最高的提款上限,就會跟返你當初 set 的限額(如匯豐每日最高就係 50,000 港元)。
舉個例若你當初 set 係 5 萬港幣、而每次只能撳 10 萬円,咁你就大約要分 7 次先至可以攞晒 5 萬港元的円面值出嚟用。
4/ 手續費
每次海外提款都會收取手續費,若是用銀聯的話大概是 15 - 20 港元(因銀行而異),但若然其他如 VISA、PLUS 或 Cirrus ,就會被收 20 - 50 港元,由於手續費逐次計,所以每次最好撳晒需要嘅現金,以免狂蝕手續費。
5/ 免手續費?
大部份銀行海外提款都要收手續費,但原來亦有例外,就好似 Citibank,只要你用佢哋提款卡喺海外 Citibank 櫃員機提款,就可以免手續費,喂正呀!!!
圖片來源:網上圖片、IG:draffie、loveahrong、purple5279、chainarong_actros
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓