台灣一向都緊貼日本潮流，尤其係小食及甜品方面，早前台灣吃貨發現幾間勁有日本 feel 的小食店，唔講會以為係日本新出小食。
去台灣當然要去夜市食食食，但其實大街小巷都有唔少人氣小店，有些仲好有日本 feel，稍一不留神，會以為自己去咗日本。好似只會在日本漫畫出現的炒麵三文治包、日式傳統小食銅鑼燒變奏版、媲美世界第二好味蜜瓜包的麵包店及每次去日本都好想食的鯛魚燒⋯⋯
//延伸閱讀//
1/ 只在日漫出現的美食 －－ 天神屋台
門口的日文毛筆字白色燈籠，加上紅色燈及木櫃枱的店舖，乍看以為是大阪小店。非也，這間天神屋台是位於台北南陽街巷弄內，店內只賣 3 款小食；日式炒麵、香蕉奶及在日漫出現的炒麵三文治包（NT $50），隔住個 mon 都 feel 到濃烈的大阪 style。
吃貨形容，真係食到大阪式炒麵的味道，因為老闆曾經在日本拜過師，味道當然正宗，雖然只賣炒麵與香蕉奶，但每日不到 8 點已售罄，尤其是每日限量 120 份的炒麵三文治包，即叫即炒，夠晒熱辣辣，麵質又夠彈牙，加埋無添加香料的香蕉奶（NT $45），價錢與味道都一絕。
地址：台北市中正區南陽街 17 巷
電話：+886 (0)90 868 3335
營業時間：11am - 9pm
2/ 媲美世界第二好味蜜瓜包 －－ 柳川 や
又是一間睇店面已經 feel 到陣陣日本風的小店，白色門簾、深木色門框加上門前一排木椅的「柳川 や」，好有京都小店味道。店內名物是「義式冰淇淋菠蘿」（NT $100），外表與日本的世界第二好味蜜瓜包相似，同樣是菠蘿包夾上雪糕，但「柳川 や」的賣相較可愛，在兩個雪糕球上加上一塊粉色餅乾，打卡呃 like 一流。
賣相吸引，亦都好有食力，連台灣麵包大師吳寶春都拜訪過「柳川 や」，就知有幾勁。麵包採用日本麵粉及星野天然酵母，咬落鬆軟有香味，難怪每日中午 12 點營業，不到 6 點已賣清光。
地址：台中市西區自立街 25 巷 10 - 1 號
電話：+886 (0)90 320 3445
營業時間：12nn -直至賣完為止（星期一休息）
去到邊 Share到邊～立即記錄您的生活足跡！
↓ 照顧哂您成個護膚程序！打造亮白光感肌！ ↓
utravel
發表回應