泰國天氣長期熱辣辣,最佳消暑方法除咗飲椰青外,最好就係飲番杯凍冰冰啤酒。但原來泰國都有禁酒令,想歎番杯都要睇時間。
從來冇留意,原來泰國都有禁酒時間。身邊朋友親身經驗,曾在中午時段到超級市場想買啤酒,店員說:「NO!NO!NO!」,再指向告示牌,才知道有禁酒這回事。起初以為撞正特別日子,但原來 everyday 都實行禁酒時段,很出奇吧!
飲酒影響工作
雖然泰國是佛教國家,但酒類消耗量就全球排名前 5 名,相比歐洲多個國家仲厲害,醉酒鬧事的案件數子不斷飈升,加上泰國政府覺得中午或深夜飲醉會影響工作表現,有見及此喺 2008 年起,實施飲酒管制措施,每日只在上午 11 時至下午 2 時及下午 5 時至凌晨 12 時,才可售賣酒精類飲品,其餘時間一律禁!禁!禁!連便利店及超級市場,都唔會買到。
遊客例外?
不過遊客只要出示護照,在酒吧或酒店想飲番杯係可以的。違例者,懲罰 6 個月徒刑及一萬泰銖。
另外,泰國的重要日子如佛誕、潑水節及大型選舉前都禁止售賣酒精類飲品,寺廟、學校及政府機構附近都唔可以售賣。去泰國旅行想飲番幾杯的朋友要留意喇!
↓【送機票✈️】分享旅行靚相 贏免費機票↓↓
↓ 請您免費飛轉日/韓/泰!↓
↓ 請您免費飛轉日/韓/泰!↓
↓全新旅遊主題集結!↓↓
↓立即睇打卡熱點/地道美食/住宿指南等!↓
↓立即睇打卡熱點/地道美食/住宿指南等!↓