東京每處都可以跌錢,鍾意買品牌有多不勝數的大型百貨公司;愛走文青路綫,亦有好多小店可以令你唔見銀兩,好似淺草附近的「蔵前」,被在地人稱為文青街,行到你唔捨得走。
去得淺草,通常都係去雷門寺又或是晴空塔,會唔會覺得冇乜新意。如果你自命是文青又鍾意逛小店或 café,必定要離淺草、御徒町、淺草橋及馬喰町等非常近的的手作街「蔵前」。在明治時代已經係手工藝、皮革的集中地,是在地東京文青人必去之處。遠離遊客區,慢慢 hea 行,會發現唔少驚喜小店。
//延伸閱讀//
。Custom Made 筆記簿 - カキモリ
カキモリ(Kakimori)是一間可按照自己心水,Custom Made 最適合自己筆記簿的店舖。一入到店裏,就好似賣畫紙的文具店,一層層木架上有齊不同款式的筆記簿封套、封面、內頁,可以慢慢揀到啱為止,再由店員幫你釘裝,而且每本只係 800 日圓起,等 20 分鐘就有一本獨一無二的筆記簿,自用送禮都啱。
除咗筆記簿外,連鋼筆、筆袋及咭片套都有 Custom Made,可以刻或繡上自己個名,最正係連鋼筆的墨水顏色都可以自調校,每枝價錢由 3,000 - 16,000日圓(未連稅)。鍾意文字嘅文青,必定會留下唔少銀兩。
地址:東京都台東区蔵前 4 - 20 - 12
營業時間:12nn - 7pm、 星期日及公眾假期 11am - 7pm(星期一休息)
電話:+81 (0)3 3864 3898
。100% 全天然小物 - MAITO
MAITO 賣的是全天然小物,連染料色素都萃取自植物,真係做到百分百全天然。店住從小就在家族小店經營的草木染工房幫手,大學畢業後更開設計草木染針織自己品牌小店,將傳統的草木染技術結合時裝。
何謂「草木染」?即是從植物的花、葉、根、樹幹及樹皮等提取染液作染料,再找各地編織或縫紉工房製成不同產品,好似頸巾、襪等,就是京都和佐賀編織,而手袋在淺草製作等,真係百百份天然及 made in japan。
地址:東京都台東区蔵前 4 - 14 - 12
營業時間:11:30am-6:30pm(星期一休息)
電話:+81 (0)3 3863 1128
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓【必收藏】最新深圳食買玩攻略!↓↓
↓ 大灣區一小時生活圈!最新打卡熱點/熱門美食等!↓
↓ 大灣區一小時生活圈!最新打卡熱點/熱門美食等!↓