就算唔係多啦 A 夢粉絲,都一定要注意!東京 Metro 推出多啦 A 夢 x 東京馬拉松 2017 特別版「東京 Metro 地鐵 24 小時車票套裝」,包一套 3 張可以 24 小時內任搭東京 Metro 地鐵的車票,抵用又有收藏價值!
東京 Metro 去年起搵咗多啦 A 夢做代言人,所以一直以來的宣傳都可以見到呢隻國際知名嘅機械貓,今次就因為與東京馬拉松 2017 有合作計畫,於是有今次咁靚嘅車票套裝出現!
一套 3 款多啦A夢車票,每張都可 24 小時內任搭東京 Metro 地鐵,售 1,800 日圓(普通版一張 600 日圓,即今次特別版竟然冇開天殺價,真係抵上加抵),限量 3,000 套,只在 2 月 23 至 25 日三天內發售,每人最多只可買 3 套,售完即止。
想買嘅遊客要到東京馬拉松 EXPO 2017 會場內的特設櫃檯去買,雖然唔方便咗啲,但係咁有收藏價值、仲要咁抵買,粉絲一定撐!如果你係今年東京馬拉松的參賽者,拎選手包時就一定要去買埋啦,因為喺同一個會場!
24 小時任搭車票 短途 4 程就抵返晒
由於東京 Metro 地鐵普通車票最短程收費為 170 日圓(IC 卡收費 165 日圓、小童 82 日圓),所以搭 4 程短途地鐵就抵返!
例如:你可以計畫一日坐東京 Metro 最熱門的「銀座線」,分別去淺草、上野、銀座、表參道、澀谷 5 站共 4 程車,另外「丸之內線(經新宿站、東京站)」、「日比谷線(中目黑站、秋葉原站)」都是熱門路線,可考慮互相搭配計劃行程。
東京 Metro 地鐵 24 小時車票
內容 | 「嘟」卡入閘一刻起 24 小時內,可自由搭乘東京 Metro 地鐵全線 |
票價 | 成人 600 日圓、小童 300 日圓 |
適合人士 | 住宿於 Metro 站附近、全日行程都可搭乘東京 Metro 線者可以考慮 |
多啦 A 夢 x 東京馬拉松 2017 特別版「東京 Metro 地鐵 24 小時車票套裝」
發售日期:2 月 23 日至 24 日 11am-9pm、25 日 11am-8pm
發售點:東京都江東區有明 3-11-1,東京馬拉松 EXPO 2017 會場「東京 Big Sight」內的東京 Metro 特設櫃檯
售價:1,800 日圓一套(只限成人票)
查詢:+81(0)1 2010 4106
網址:http://www.tokyometro.jp/tokyomarathon2017/index.html
備註:憑票可於 2017 年 8 月 24 日前自由撘乘東京 Metro 全線列車,從「嘟」卡入閘一刻起 24 小時內有效
↓ 全球最薄!免費成為全港首批用家 ↓
↓立即睇打卡熱點/地道隱世美食/必買手信等!↓