唔係講笑,呢包全新的湖池屋和牛薯片真係非常難搵,2 月 6 日開始全國便利店有售,2 月 13 日則全國超市開始有售,我真係剛剛先喺超市搵到「魅惑の炙り和牛」薯片。
今次湖池屋標榜用所有靚料,薯片只會用 100% 日本產薯仔,仲要嚴選無基因改造的薯仔,薯仔全套去皮、清洗、油炸等過程都做到一絲不苟,務求帶嗰朕「創業時」的味道畀返日本人。
今次試齊三種口味「秘伝 濃厚のり塩」(秘傳濃厚紫菜鹽)、「松茸香る 極みだし塩」(惹味松茸湯鹽)同埋「魅惑の炙り和牛」(魅力燒和牛),我自己會畀和牛第一、紫菜鹽第二、松茸第三。
湖池屋薯片咬落真係特別鬆脆,厚薄適中,唔會得陣風,而和牛好味之處係牛味唔係死鹹,加埋少少黑胡椒的味道好鬼惹味,真係食到停唔到口;紫菜鹽薯片食落比和牛鬆,紫菜鹽撒得非常平均,成條脷都可以同一時間嘗試到紫菜的鹹味,都非常唔錯;可能我自己本身唔太好松茸,個人覺得有朕怪味,感覺麻麻,不過 138 日圓一包真係抵試!
文、相:椰菜媽媽
↓ 【您去玩我找數】勁送$1000旅行資助金💰↓↓
↓ 領取資助金,用$0去玩不是夢~↓
↓ 領取資助金,用$0去玩不是夢~↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓