一到櫻花盛開季節,不只日本人賞櫻,連香港人亦如是,確實到處都係花,真係靚到一個點,但都不能得意忘形,唔覺意出醜外太空就唔好啦!唔想被標籤?以下 4 點賞櫻禮儀你要知。
大家都知,日本人係好自律守規矩民族,好似賞櫻,雖然永遠都出現人潮,但永遠都唔會發生意外,又唔會令周圍環境好似打完場仗咁凌亂。因為大家都守規矩,好似以下 4 點:
我知櫻花好靚,有時希望攞小小紀念品,折斷櫻花樹枝,但如果個個都咁做,整棵櫻花樹好快變禿頭樹;
1/ 切勿折斷櫻花當紀念品
去旅行,見到個地方好靚,想有份做紀念品留為紀念是正常事,但千祈唔好折斷櫻花樹枝。你又拆我又拆,棵櫻花樹好快要改名做禿頭樹。其實好多賞櫻公園都有紀念品買,不如花小小錢,買份靚靚紀念品仲實際啦!
為呃多個like,大力搖晃整棵樹,營造櫻吹雪效果,唔好以為我誇張,有睇新聞一定知道真係有人做過;
2/ 唔好搖晃櫻花樹
為呃like,好多人都可以去到好盡,好似爬上棵樹、坐在樹幹上又或者大大搖晃棵樹,營造櫻吹雪效果。靚係靚,但畀你一個搖晒落嚟,其他人仲邊有得賞花。
日本人賞櫻好鍾意眾樂樂,一班朋友、同事坐在櫻花樹下野餐飲番幾杯,但永遠都會與櫻花樹保持距離,點解?因為唔想壓住根部,令櫻花難以呼吸、就算在公園賞櫻,日本人都會劃分唔同的賞櫻區、唔會阻塞通道;
3/ 保持距離 遠觀更靚
日本人最鍾意一大班人在櫻花樹下賞櫻,鋪張地布野餐飲番幾杯,有時誇張到唱埋卡拉 OK 添,但永遠都唔會坐正喺樹底下,避免影響樹木根部呼吸。
又有位置畀大家停留影相慢慢睇,所以千祈唔好做人肉屏風,留返條路畀人行。最緊要亦最簡單大家應該知道,自己垃圾自己處理,你 happy 時,大家都 happy,放鬆心情賞櫻,就最 GOOD。
4/ 勿做人肉佈景板
雖然日本人好興櫻花樹下賞花,但永遠都會保留一條通道畀其他人邊行邊賞花。
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓