話說 Emma Watson 為接拍迪士尼《美女與野獸》(Beauty and the Beast)真人版電影,而推辭演出今年奧斯卡大熱歌舞劇《星聲夢裡人》(La La Land),以為冇機會聽到「妙麗」嘅歌喉有幾妙麗?原來佢喺《美女與野獸》裡面一樣會載歌載舞!
電影嘅全球宣傳活動最近於巴黎正式展開,迪士尼日前發布 Emma Watson 出場嘅歌唱片段,演繹一曲《Belle》!片段中只見貝兒穿街過巷同村民打成一片,攞人兩條麵包唔使錢,歌詞則交代佢對平淡「貧窮鄉郊小鎮」生活日日如是的感想。
睇埋 1991 年動畫版《美女與野獸》 嘅原裝正版,歌舞編排基本上差唔多,啲「old school 動畫畫面」感覺好奇妙~同埋電影版嘅《Belle》歌詞有少少改動,貝兒同村民講自己去緊還書,本書係講「維羅納」(Verona)嘅一對青春小~情人--咦,係咪莎士比亞嘅《羅密歐與茱麗葉》呢?而原本動畫版,貝兒睇緊嘅係英國童話故事《傑克與豌豆》(Jack and the Beanstalk)。Emma 版嘅貝兒好似好嚮往浪漫淒美嘅愛情故事喎~
睇埋呢個新舊版畫面逐格對比,唔知 2017 電影版在忠於原著以外會唔會有啲突破呢?畢竟時代已經唔同,例如家陣好多網民都話,「貝兒被野獸囚禁然後愛上對方」呢個橋段,其實好「斯德歌爾摩症候群」(而 Emma Watson 日前受訪時回應表示:我希望大家唔好咁諗)。電影將於 3 月 16 日喺香港上映,非常期待!
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓