唔怕無晒 locker 東京血拼零難度

Shopping 有時太忘我，拎到一袋二袋，好想放低再戰，奈何鐵路附近 locker 早已爆滿,，點算好？只要睇到呢個 logo 就唔使煩，可以寄存亦可以送到去你酒店。

日本推出的「Japan Hands-Free Travel」唔係叫你兩手揈揈唔 Shopping，而係希望你可以輕輕鬆鬆去shopping。呢個服務非常貼心，由落機一刻經已幫你諗好晒，只要在機場去有「Japan Hands-Free Travel」的櫃位，就可以幫你將行李送到酒店，價錢都只係1,000 - 2,000日圓，只要 5　個step，就可以一落機就即去血拼。

損壞有賠償　信心保證

除咗日本各大機場有呢個服務外，服務仲延伸到車站及大型百貨商場，全國總共有200多個服務點，好似東京車站、新宿西口、新宿伊勢丹、日本橋三越又或是大阪難波站附近的商場等等，嚟緊 3 月仲會有更多的加盟店，聽閒連 family mart 都會玩呢個服務，到時真係買幾多都唔怕拎到手軟，而且有損壞仲有賠償添。

不過，要留意，logo 有分「storage」及「delivery」兩種，有些只能提供寄存並沒有送運服務，大家到櫃台時要睇清楚。識得用，其實好好用，就算買幾多都唔使拎餐飽。

網址: http://www.jnto.go.jp/hands-free-travel/hk/