杜拜無人駕駛直昇機　 你敢唔敢坐？

當歐洲好多地方都試行無人架駛車之際，石油王國已經快人幾步，開始實試無人駕駛直昇機，仲話今年會全面投入服務，你敢唔敢坐先？

作為銀彈多到冇地方使的杜拜，時不時都玩高科技，話要成為世界首個真．「智慧城市」，已經將無人架駛車玩到普通化。

玩完車，當然要玩飛機，上年在世界政府高峰會，展示一人限定，全球首架無人駕駛接載乘客直昇機「Ehang 184」，當時無人理，直至早前官方指，會將呢款無人駕駛機在今年７月推出市面，而且仲密密地做過二百幾次試飛測試，保證安全咁話。

//延伸閱讀//

「隨意門」成真！多啦 A 夢 VR 帶你去南極

恐龍做 Receptionist　問你驚唔驚？

「Ehang 184」係四軸無人駕駛直昇機，雖然每次只可以載一個人，但可以承受 100kg（即約 220磅）重量，並可以持續飛 30 分鐘（大概 40-50km），時速最快達到 160km，航綫會採用 4G LTE及 5G 行動網絡運算，全部電腦化，只要在機上的平板電腦，click 一 click 目的地，搞掂！

雖然講到咁安全，仲話就算其中一個螺旋漿壞咗，都唔會有事。但一講到係 made in china，會唔會令你卻步呢？