假設大家無情情得到 10 萬港元嘅日本旅行基金,大家會點使?由北海道玩落沖縄直至冇晒錢?參加杜如風 $88,888 富貴豪華團、零頭用來 shopping?還是同日本方面嘅朋友一樣,選擇豪一次、參加「Twilight Express 瑞風」列車嘅周遊 course?
「瑞風」屬於郵輪式臥鋪列車(cruise train),官網又形容為「流動風景的酒店」,同好多豪華寝台列車一樣,每程只接待到三數十名乘客,然而其賣點是「世上稀有」的套房「the Suite」--整個車卡專屬於套房住客,設有客廳、睡房、洗手間內仲有高腳浴缸,認真極盡奢華!日前 JR 西日本發布由 6 月 17 日首程到 9 月、共 368 位乘客的第一輪抽籤結果,反應熱烈,超額認購率 5.5 倍,最受歡迎項目係三日兩夜 course,入住全車最尊貴、最豪華嘅「the Suite」車廂,供 2-4 人入住,兩人一室每位索價 120 萬日圓(約 86,000 港元),更超額 68 倍,拍得住被譽為世上最難訂的火車「九州七星號」。
「Twilight Express 瑞風」的第二輪運行將於 10-11 月出發,入場價為兩日一夜、來往京都至日本本州最西端的下關路綫,二人一室每位 25 萬日元(約 1.7 萬港元),同「九州七星號」一樣。第二輪申請日將於 4 月 1 日展開,果閣下居於日本、日文程度又有返咁上下,可以試試運氣--事關官網講明 1. 車票只於日本國內發售,2. 全程不設非日語服務--咪以為服務只得送餐執房、能側側膊點頭了事,其實每個 tour 去到不同站都會拉隊落車參加各種見學體驗,雞同鴨講好難搞!
//延伸閱讀//
鐵路迷注目!十大鐵路靚景酒店
澳洲最歷史悠久!腳揈揈搭蒸汽火車
「Twin Room」設計
「Dining Car」設計
「Lounge Car」設計
路綫圖
「山陽、山陰周遊 Course ~西日本原風景深度認識之旅~」三日兩夜.每位價錢
房間類型 / 出發月份 | 「The Suite」套房 (376 平方呎,全車一間) | 「Royal Twin」雙人房 (108 平方呎,全車 13 間) | 「Royal Single」單人房(75 平方呎,全車兩間) | |||
4 人一室 | 3 人一室 | 2 人一室 | 2 人一室 | 2 人一室 (上下鋪) | 1 人一室 | |
6-8 月 | 90 萬日圓 / 約 6.1 萬港元 | 100 萬日圓 / 約 6.8 萬港元 | 120 萬日圓 / 約 8.2 萬港元 | 50 萬日圓 / 約 3.4 萬港元 | 47 萬日圓 / | 62 萬日圓 / 約 4.2 萬港元 |
9 月 | 95 萬日圓 / | 105 萬日圓 / 約 4.8 萬港元 | 125 萬日圓 / 約 8.5 萬港元 -->最貴! | 55 萬日圓 / 約 3.8 萬港元 | 52 萬日圓 / | 67 萬日圓 / 約 4.6 萬港元 |
「山陽(上行)Course ~瀨戶內賞美之旅~」/
「山陽(下行)Course ~瀨戶內歷史接觸之旅~」/
「山陰(上行)Course ~神話和自然之美的接觸之旅~」/
「山陰(下行)Course ~文豪與維新之歷史接觸之旅~」兩日一夜.每位價錢
房間類型 / 出發月份 | 「The Suite」套房 (376 平方呎,全車一間) | 「Royal Twin」雙人房 (108 平方呎,全車 13 間) | 「Royal Single」單人房(75 平方呎,全車兩間) | |||
4 人一室 | 3 人一室 | 2 人一室 | 2 人一室 | 2 人一室 (上下鋪) | 1 人一室 | |
6-8 月 | 56 萬日圓 / 約 3.8 萬港元 | 63 萬日圓 / 約 4.3 萬港元 | 75 萬日圓 / 約 5.1 萬港元 | 27 萬日圓 / 約 1.8 萬港元 | 25 萬日圓 / 約1.7萬港元 -->最平! | 33 萬日圓 / 約 2.3 萬港元 |
9 月 | 59 萬日圓 / | 66 萬日圓 / 約 4.5 萬港元 | 78 萬日圓 / 約5.3萬港元 -->最貴! | 30 萬日圓 / 約 2 萬港元 | 28 萬日圓 / | 36 萬日圓 / 約 2.5 萬港元 |
Twilight Express 瑞風 Mizukaze
詳情及登記網址:www.mizukaze.jp
第二輪申請日:2017 年 4 月 1 日起
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓