情人節仲買花、買朱古力?實在太娘(又破費)!有冇啲 idea 係慳水慳力但卻足以冧到情人冇聲出?我都好想知!
今年情人節,法國 Burger King 宣稱「經過多年研究」,終於畀佢咃發明咗「共度情人節的最佳辦法」,就係一項「分享飲品的革命性藝術」。實在太浮誇喇!
其實 BK 同可口可樂聯乘咗一個期間限定計劃,汽水杯印上大大個紅底白心、寫上「Valentine's Cup」,保證 50 公呎範圍以內都見到你慶祝緊情人節;而又其實,重點係喺個杯蓋上面,特別設計兩個插飲管嘅窿位,等你同情人可以有汽水齊齊啜。
你話:Chur......咁咋?係呀。但有創意,有誠意,畫面夠 sweet,差唔多啦;前提係 1. 你要搵到一個肯同你情人節食快餐而又唔嫌棄嘅男人或女人,2. 你要喺今晚去到法國 Burger King;去唔到都唔緊要,求其買杯外賣汽水,搵把界刀自己界兩個十字啦!
▲ 法國 Burger King 情人節限定,大汽水附上兩個飲管位的杯蓋。
▲ 啤兩個飲管位,唔算係咩重大工程,但意念取勝。留意片段最尾有「高能預警」,唔信自己睇~
▲ 有眼見,就係兩條十字刀痕,大家不妨今晚自己齊番個,氹吓情人!
//延伸閱讀//
放閃必去大阪浪漫階梯
7大日本心形靚景
↓【出Post賺現金賞】《社群》助您發展創作者事業↓↓
↓透過發佈帖文賺取收入!立即參加!↓
↓透過發佈帖文賺取收入!立即參加!↓
↓全新旅遊主題登場↓
↓立即睇打卡熱點/地道隱世美食/必買手信等!↓
↓立即睇打卡熱點/地道隱世美食/必買手信等!↓