不要低頭,城堡會掉下來......帶光環上頭大有人在,但帶城堡上頭,真係幾鬼馬。
2017 年環球小姐比賽剛剛在菲律賓馬尼拉圓滿結束,正當每位佳麗以最高貴大方打扮爭風頭之際,德國佳麗卻成為一時奇葩:帶著宣揚格林兄弟童話的新天鵝堡在頭頂上,立即引起現場觀眾歡呼,眼前一亮!
▲Johanna 小姐穿著白色華麗紗裙大方得體,但頭頂上嘅新天鵝堡頭飾,真係好爆好激,有人可能覺得騎呢,但睇真啲反而覺得佢幾純真可愛呀。
今屆環球小姐德國代表 Johanna Acs,芳齡 25 歲,平日在 IG 發佈的靚相都係典型美女相,估唔到今次代表德國出賽環姐,就以一個城堡頭飾受到萬人注目。Johanna 喺 IG 內指她呢身造型,其實靈感來自德國童話之父「格林兄弟」嘅作品得來,如《白雪公主》、《睡美人》、《青蛙王子》、《灰姑娘》等等,Johanna 頭頂嘅城堡完全表達了格林童話世界好多以公主及城堡為題材嘅故事;另外佢手上嘅立體童話故事書,完美表現出 Johanna 對德國童話引以自豪。
據指個城堡頭飾重量有成 2,000克,都唔輕(口架),睇落手工都幾精緻,而身穿的白色紗裙亦以 300 盞 LED 燈做裝飾,現場睇絕對靚過隔住電視睇好多。
▲正面睇、打橫睇,都好激好搶眼!
▲Johanna 手上拎住格林童話 3D 故事書出場。
▲平日嘅 Johanna 都係以靚女形象出場,反而好平實。
▲個個佳麗都係髮型 1 號、粧容 2 號、笑容 3 號出現,咁樣睇較難認出 Johanna (右三)。
典型晚裝裙現身,無人估到 Johanna 在民族服表演環節,以城堡頭咁激現身。
▲Johanna 同父母一齊去遊熱帶雨林,其實 uncle、auntie 都係鬼馬之人,Johanna 深得搞笑遺傳。
▲同場嘅印尼小姐代表,都以浮誇火鳳凰衣飾現身,但比起城堡頭未夠印象深刻。
YouTube 原片:
↓ 大灣區一小時生活圈!最新打卡熱點/熱門美食等!↓
↓立即睇打卡熱點/地道隱世美食/必買手信等!↓