【#打卡絕景】被喻為「活地理教室」的新西蘭,雖然面積唔算好大,但佢就集山脈、冰川、火山等唔同地形於一身,純天然、無污染的景觀,對遊客嚟講絕對係世外桃源,但原來唔止得外人會咁諗,就連當地人亦一樣,就好似呢位生於當地的女攝影師 Rach Stewart 咁,用自己擅長的方法--攝影,去話畀人知呢個地方有幾正!
瓦納卡湖(Lake Wanaka)
位於南島,係新西蘭第四大湖泊,在湖中間就有一棵極出名的 The Wanaka Tree,好多人都會專誠嚟欣賞,而除咗呢棵孤獨樹外,呢度嘅日落都好靚,千祈唔好錯過。
庫克山國家公園 (Mount Cook National Park)
位於南阿爾卑斯山脈中,以數百座高山組成,整個公園沿山脊綿延 80 公里,景色非常壯觀,而公園內亦包含了 5 條冰河,其中一條就係新西蘭最長的塔斯曼冰河。
塔斯曼冰河 (Tasman Glacier)
面積 101平方公里,全長約有 27 km ,係世界上最長的冰川之一,冰川中更會呈現出晶瑩通透的冰體。
凱亞蒂瀑布 (Kaiate Falls)
豐盛灣(Bay of Plenty Region)保護區內,瀑布從懸崖上傾瀉到水潭的場面,雖然規模比起當地其他瀑布細好多,但就多了一份寧靜感。
好牧羊人教堂 (The Church of the Good Shepherd)
位於特卡波湖岸邊,無光害的環境令呢度成為世界上公認絕佳觀星地點之一,睇星外,亦有可能會見到銀河。哇!靚到呢!!!
湯加里羅越山步道 (Tongariro Alpine Crossing)
北島湯加麗羅國家公園內,全長 19.4 公里,經的魯柏胡峰(Mount Ruapehu)係魔戒的拍攝場景之一、亦係園中最活躍的火山。整條散步道的地形雖然變化多端,但見的風景都是令人嘆為觀止的。
圖:IG:rachstewartnz
↓透過發佈帖文賺取收入!立即參加!↓
↓立即睇打卡熱點/地道美食/住宿指南等!↓